عمران خان کی وجہ سے تباہی ہوئی لیکن انہوں نے کچھ نہیں کیا. لیگی رہنما کیپٹن صفدر

عمران خان کی وجہ سے تباہی ہوئی لیکن انہوں نے کچھ نہیں کیا. لیگی رہنما کیپٹن صفدر

مسلم لیگ ن کے رہنما کیپٹن (ر) صفدر کا کہنا ہے کہ جب بھی ملک ترقی کرنے لگتا ہے عمران خان پاؤں پکڑ لیتا ہے۔ لاہور کی مقامی عدالت میں لیگی رہنما کیپٹن (ر) صفدر کے خلاف اشتعال انگیز تقاریر کیس کی سماعت ہوئی، عدالت نے کیپٹن (ر) صفدر کے عدالت میں پیش ہونے پر ان کے وارنٹ گرفتاری منسوخ کر دیئے گئے۔ کیس کی سماعت کے بعد عدالت کے باہر میڈیا سے بات کرتے ہوئے مسلم لیگ ن کے رہنما کیپٹن (ر) صفدر کا کہنا تھا کہ ملک میں بہتری آرہی ہے اور مزید اچھے دن آئیں گے، اصل مسئلہ مہنگائی ہے جو اللہ کرے ختم ہو جائے، عمران خان کو تو رات کو بکرا روسٹ ہو کر مل جاتا ہے اور شہد بھی دور دور سے آ جاتا ہے۔
مزید یہ بھی پڑھیں؛ بلبل پنجاب کا خطاب پانے والی گلوکارہ اور شاعرہ کا یوم پیدائش
پاکستان اور ترکیہ کے تعلقات تزویراتی شراکت داری کے نئے دور میں داخل. وزیر اعظم
لاپتہ افراد کیس، تحقیقات مکمل کی جائیں، عدالت
عمران خان عوام کے درمیان آنا چاہتے ہیں،کل اگلے لائحہ عمل کا اعلان کرینگے، اسد عمر

کیپٹن صفدر نے مزید کہا کہ جب بھی ملک ترقی کرنے لگتا ہے عمران خان پاؤں پکڑلیتا ہے، 2013 میں چینی صدر نے پاکستان کا دورہ کرنا تھا اس وقت بھی سازش کی گئی، اور اس وقت بھی عمران خان اسی نوعیت پر چل رہے ہیں، ان کی وجہ سے تباہی ہوئی ، انہوں نے کچھ نہیں کیا۔ لیگی رہنما کا مزید کہنا تھا کہ نوازشریف جلد پاکستان میں اپنے گھر میں ہوں گے، میری خواہش ہے کہ 25 دسمبر کو نوازشریف کو جاتی عمرہ میں سالگرہ کی مبارکباد دوں۔