fbpx

عمران خان کو جھوٹے مقدمات بنانے پر شرم آنی چاہیے،وزیر داخلہ رانا ثناء اللہ

شیخ رشید نے بیان واپس نہ لیا تو انہیں گھر سے نکلنے نہیں دوں گا ،وزیر داخلہ رانا ثناء اللہ کا اعلان

عمران خان کو جھوٹے مقدمات بنانے پر شرم آنی چاہیے،وزیر داخلہ رانا ثناء اللہ
انسدادِ منشیات عدالت میں منشیات کیس کی سماعت ہوئی

وزیر داخلہ رانا ثناءاللہ انسداددہشت گردی عدالت پہنچ گئے پراسیکیوٹر اے این ایف نے شریک ملزمان کی بریت کی درخواستوں پر دلائل شروع کر دئیے ،اے این ایف پراسیکیوٹر نے عدالت میں کہا کہ منشیات رکھنا اورمنشیات اسمگل کرنا قانوناً جرم ہے،پاکستان پینل کوڈ سیکشن15 کے تحت یہ عمل قابل سزا ہے،ملزمان کی جانب سے ہاتھا پائی کی گئی، اسلحہ تان لیا گیا، یہ تمام ریکارڈ پر موجود ہے،پراسکیوشن نے 2 چالان عدالت میں جمع کروائے،

سید فرہاد علی شاہ ایڈووکیٹ نے کہا کہ رانا ثناءاللہ کو حاضری سے مستقل استثنی دیا جائے،رانا ثناءاللہ وزیر داخلہ بن چکے اور مصروفیات کے باعث ہر تاریخ پر پیش نہیں ہو سکتے،رانا ثناءاللہ کی مستقل حاضری معافی کی درخواست بھی جمع کروا دی گئی عدالت نے رانا ثناءاللہ کی مستقل حاضری معافی کی درخواست پر اے این ایف کو 21 مئی کے لیے نوٹس جاری کر دیئے عدالت نے شریک ملزم عامر رستم سمیت 3 شریک ملزموں کی بریت کی درخواستوں پر انکے وکلا سے مزید دلائل آیندہ سماعت پر طلب کر لئے

عدالت پیشی کے موقع پر وزیر داخلہ رانا ثناء اللہ کا کہنا تھا کہ عثمان بزدار کو حکم ماننے کے لیے وزیر اعلی ٰرکھا گیا تھا عمران خان نے ایمنسٹی اسکیم بھی فرح گوگی کیلئے رکھی تھی،الزامات پر انکوائری ہورہی ہے اس کے بعد کارروائی کی جائے گی، انہیں بیرون ملک سے ریڈ وارنٹ کے ذریعے لانا ہوا تو لے آئیں گے میں آج بھی معزز جج کے سامنے پیش ہوا ہم عدالتوں کا احترام کرتے ہیں سابق حکومت نے سیاسی رہنماوں پر جھوٹے کیسز بنائے،سابق حکومت نے عوام کے لئے کوئی کام نہیں کیا،عمران خان نے عوامی فلاح و بہبود کا کوئی کام نہیں کیا عمران خان نے سارا وقت مخالفین پر مقدمات کے لیے صرف کیا،عثمان بزدار صرف نام کے وزیراعلیٰ تھے،عمران خان کو جھوٹے مقدمات بنانے پر شرم آنی چاہیے،

وزیر داخلہ رانا ثناء اللہ کا مزید کہنا تھا کہ نارکوٹکس عدالت میں گزشتہ ڈھائی سال سے آرہا ہوں انہوں نے ساڑھے3سال میں جھوٹے مقدمات کے علاوہ کچھ نہیں کیا،یہ لوگ کہتے ہیں کہ ساری کابینہ ضمانتوں پر ہے،یہ جھوٹے کیسز آپ نے بنائے ہیں وزیر اعظم ہاوس میں بیٹھ کر انہوں نے جھوٹے کیسز بنانے کی ہدایت کی یہ لوگوں اور کارکنوں کو گمراہ کررہے ہیں ،انہوں نے کارکنوں کو بد تمیزی کرانےکیلئے مہم شروع کی ہے،جو تم لوگ کرو گے اس کا سامنا تم لوگوں کو بھی کرنا پڑے گا ،اگر کہیں کسی کے ساتھ بد تمیزی ہوئی تو دوسرے کارکن بھی یہی کریں گے،یہ لوگ اسی طرح انارکی پھیلانے کی کوشش کر رہے ہیں ،ہم آج بھی یہ کہہ رہے ہیں کہ دوسرے سیاسی رہنماوں کی عزت کریں ،

وزیر داخلہ رانا ثناء اللہ کا مزید کہنا تھا کہ شیخ رشید ایک طرف کہتا ہے جیل سسرال ہے دوسری طرف ضمانتیں کرواتا پھرتا ہے وہ کہتا ہے کہ یہ لانگ مارچ خونی مارچ ہوگی حکومت کو یقین دہانی کرائیں کہ لانگ مارچ پر امن ہوگا شیخ رشید نے بیان واپس نہ لیا تو انہیں گھر سے نکلنے نہیں دوں گا شیخ رشید کو چرپ زبانی کی عادت ہے لوگوں کو آگ لگانے کے اکسا رہے ہیں،یہ لوگ پہلے بھی 126روز دھرنے پر بیٹھے تھے اب بھی دھرنا دے کر اپنا ریکارڈ توڑ دیں

باغی ٹی وی کی رپورٹ کے مطابق وزیر داخلہ رانا ثناء اللہ کے بیان پر رد عمل میں عوامی مسلم لیگ کے سربراہ، سابق وفاقی وزیر داخلہ شیخ رشید احمد نے کہا ہے کہ رانا ثنا اللہ ملک میں تشویشناک صورتحال پیدا کرے گا،شیخ رشید احمد کا کہنا تھا کہ ملک میں ہنگامہ آرائی ہوگی معاملات خراب کرے گا ،ہمارے ممبران کو جلد عدالتوں میں پیش کریں ہمیں کہہ رہے ہیں کہ گھروں سے نکال کے ماریں گے،ابھی وہ حالات نہیں آئے ہیں یہ منہ اور مسور کی دال،میں آج بھی کہہ رہا ہوں کہ ہمیں الیکشن کی تاریخ چاہیے،عمران خان کو نکالنے کے نتائج مختلف آئے ہیں ،عمران خان بہت بڑا لیڈر بن گیا ،عمران خان جلد لانگ مارچ کی کال دے گی،یہ دھمکیاں دے رہے ہیں گھروں سے پکڑیں گے،کل پکڑنا ہے تو آج پکڑیں ہم تیار ہیں ،

دوسری جانب تحریک انصاف کے رہنما فواد چودھری نے کہا ہے کہ وفاقی وزیرداخلہ کی اس طرح کی دھمکیوں سے مزید تقسیم ہوگا،چھوٹے لوگ بڑی کرسیوں پر بیٹھیں تو اس طرح کی گفتگو سننے کو ملتی ہے،

رانا ثناءاللہ سمیت 5 ملزمان پر 15 کلو منشیات کا مقدمہ اے این ایف نے درج کیا تھا لاہور ہائیکورٹ نے رانا ثناءاللہ کی درخواست ضمانت بعدازگرفتاری منظور کررکھی ہے

@MumtaazAwan

دوسری شادی کیوں کی؟ پہلی بیوی نے خود کشی کر لی

منشیات فروش خاتون پولیس کے ساتھ کیسے چھپن چھپاؤ کر رہی؟

نشہ آور چیز کھلا کر لڑکی سے زبردستی زیادتی کرنے والا ملزم گرفتار

امیرلڑکے سے شادی کا انکار کیا تو گھر میں بند کر دیا گیا،25 سالہ لڑکی کی تحفظ کی اپیل

نو سالہ بچے سے زیادتی کرنیوالا پولیس اہلکار،خاتون سے زیادتی کرنیوالا گرفتار

بھکاری کا روپ دھار کی سابقہ بیوی نے سابق شوہر کے ساتھ ایسا گھناؤنا کام کر دیا کہ سن کر روح کانپ اٹھے

برہنہ تصاویر بنا کر آٹھ سال تک خاتون کو بلیک میل کر کے زیادتی کرنیوالا ملزم گرفتار