عمران خان ہر قسم کے ہتھکنڈے استعمال کرنے کی کوشش کر رہے ہیں،بلاول

چیئرمین پیپلز پارٹی بلاول بھٹو نے میڈیکل ٹراما سینٹر لاڑکانہ کا دورہ کیا

چیئرمین بلاول بھٹو زرداری نے چانڈکا میڈیکل اسپتال و کالج کے تعاون سے سو بستروں پر مشتمل منصوبے ٹراما اینڈ ایمرجنسی رسپانس سینٹر کا دورہ کیا ، بلاول بھٹو زرداری نے ٹراما اینڈ ایمرجنسی رسپانس سینٹر کی مختلف سہولیات کا جائزہ لیا، بلاول بھٹونے سندھ حکومت اور محکمہ صحت کے عملے کی کاوشوں کو سراہا ،

اس موقع پر بلاول زرداری کا کہنا تھا کہ عمران چاہتے ہیں آمریت کے دروازے کھلیں تا کہ وہ بیک ڈورسے دوبارہ وزیر اعظم بن سکیں، عمران خان چاہتے تھے کہ اسٹیبلشمنٹ میں بیٹھے ان کے سہولت کاروں کی موجودگی میں الیکشن ہوں،اسٹیبلشمنٹ سے عمران خان کے سہولت کارہٹ گئے،مگر کسی اور ادارے میں ابھی بھی موجود ہیں،اگر انتخابات وقت پر ہوگئے تو عمران کے سہولت کار کسی بھی ادارے میں موجود نہیں رہیں گے، عمران خان جھوٹ نفرت اور تقسیم کی سیاست کر رہے ہیں ،اقتدار کیلئے عمران خان ہر قسم کے ہتھکنڈے استعمال کرنے کی کوشش کر رہے ہیں، عمران خان چاہتے ہیں پارلیمنٹ اپنی مدت پوری نہ کرے اور ملک میں جمہوری ترقی نہ ہو،عمران چاہتے ہیں آمریت کے دروازے کھلیں کہ وہ بیک ڈور سے دوبارہ وزیر اعظم بن سکیں،

بینظیر کا قتل پوری قوم کو قتل کرنے کی سازش تھی،بلاول

بینظیر نے اپنی کتاب میں لکھا نواز شریف نے اسامہ بن لادن سے پیسے لیے،فرخ حبیب

بینظیر کے افتتاح کردہ سنٹر کو تبدیلی سرکار نے بیچنے کا اشتہار دے دیا

آصفہ زرداری کس صورت میں الیکشن لڑیں گی؟ بڑا اعلان ہو گئا

قبل ازیں گڑھی خدا بخش میں تقریب سے خطاب کرتے ہوئے بلاول زرداری کا کہنا تھا کہ15سال بعد بھی عوام ، سیاسی کارکن اور جیالے بی بی شہید کو نہیں بھولے، شہید بے نظیر بھٹو کو کس گناہ میں شہید کیا گیا، کیا بی بی شہید کا گناہ یہ تھا کہ وہ محب وطن تھیں، شہید محترمہ بے نظیر بھٹو عالمی لیڈر تھیں، شہید محترمہ بے نظیر بھٹو پوری مسلم دنیا کا فخر تھیں، شہید محترمہ بے نظیر بھٹو دلیر خاتون تھیں، محترمہ نے اپنے کارکنوں اور ساتھیوں کو ایک دن کیلئے بھی لاوارث نہیں چھوڑا، بی بی شہید معاشی انصاف چاہتی تھیں، کچھ لوگ تقسیم کی بنیاد پر سیاست کرتے ہیں،