fbpx

پاکستان پرایٹم بم کرانے کا بیان،عمران خان کے خلاف اندراج مقدمہ کی درخواست

پاکستان پر ایٹم بم کرانے کی دھمکی دینے پرپاکستان تحریک انصاف کے چیئرمین اور سابق وزیراعظم عمران خان نیازی کے خلاف سیشن کورٹ میں اندراج مقدمے کی درخواست دائر کردی گئی ۔

باغی ٹی وی کی رپورٹ کے مطابق ایڈیشنل سیشن جج غلام حسین بھنڈر کی عدالت میں مزور رہنما شیخ مظفر حسین نے درخواست دائر کی جس پر عدالت نے اٹھارہ مئی کو سمن آباد پولیس سے رپورٹ طلب کر لی۔

شیخ مظفر حسین نے درخواست میں موقف اختیار کیا کہ عمران خان نے مردان کےجلسے میں خطاب کرتے ہوئے کہا کہ موجودہ حکمرانوں کولاانے سے بہتر تھا کہ پاکستان پرایٹم بم گرا۔دیتے ۔عمران خان کے اس بیان سے مجھے اور پاکستانی قوم۔ کو سخت صدمہ پہنچا ہے لہذا عمران خان کے خلف ایٹم بم گرانے کی دھمکی دینے کے الزام میں مقدمہ درج کیا جائے،کیس کی عدالت کی پیروی چودھری خالد رشید ایڈووکیٹ کررہے ہیں۔

یاد رہے کہ پاکستان تحریک انصاف کے چیئرمین اور سابق وزیر اعظم عمران خان نے کہا ہے کہ ان چوروں کو حکومت دینے سے بہتر تھا پاکستان پر ایٹم بم گرا دیتے،سوچ نہیں سکتا تھا کہ کرپشن طاقتور حلقوں کا مسئلہ نہیں ہے، مجھے کہا گیا کرپشن کیسز کی بجائے کارکردگی پر توجہ دیں.

سابق وزیراعظم عمران خان کے متذکرہ بیان پر سماجی اور سیاسی حلقوں نے شدید تنقید کرتے ہوئے کہا کہ سیاست دانوں کوبیانات دیتے وقت پہلے الفاظ کو تولنا چاہیئے پھر بولنا چاہیئے، احتجاج کرنا سیاستدانوں کا حا ہے مگر ملک ست متعلق بیانات دیتے وقت انتہائی احتیاط کرنا چاہیئے،سابق وزیراعظم عمران خان کی جانب سے ملک پر ایٹم بم گرانے ست متعلق بیان انتہائی غیر ذمہ دارانہ ہے.