fbpx

عمرا ن خان ملکی سلامتی کے لیے خطرہ بن چکے ہیں،وفاقی وزیر دفاع خواجہ آصف

باغی ٹی وی کی رپورٹ کے مطابق وفاقی وزیر دفاع خواجہ آصف نے کہا ہے کہ عمران خان مسلسل اداروں پر حملہ آور ہو رہے ہیں،

خواجہ آصف کا کہنا تھا کہ آئی ایم ایف کے حوالے سے خط سے بھی سب آگاہ ہے ملک میں افراتفری کا ماحول بنایا جا رہا ہے .فوج میں اعلیٰ عہدوں کی تقرری کو سیاسی بنانے کی کوشش کی جارہی ہے،عمران خان نے بہاولپور جلسے میں آرمی چیف کے حوالے سے غلط بیانی کی .جلسوں میں اس طرح کے بیانات سے دفاع پرکیا اثر پڑیگا آپ کے سامنے ہے، بھارت پاکستان کو معاشی اور دفاعی طور پر کمزور دیکھنا چاہتا ہے ،گزشتہ روز عمران خان نے جلسے میں کہا کہ وہ اپنی مرضی کا آرمی چیف مقررکرنا چاہتے ہیں،عمران خان نے کہا ان کے مرضی کے آرمی چیف آئیں گے تو ان کی غلطیوں پر پردہ ڈالیں گے افواج پاکستان سرحدوں کی حفاظت کے لیے جانوں کی قربانیاں دیتے ہیں،تھری اور ٹو اسٹار افسران شہید ہوئے ،شہادتوں کی بڑی فہرست ہے ،فوجی جوان سیلا ب سے متاثرہ علاقوں میں وہاں موجود ہوتے ہیں جہاں رسائی ممکن نہیں ہوتی،

وزیر دفاع خواجہ آصف کا مزید کہنا تھا کہ عمرا ن خان ملکی سلامتی کے لیے خطرہ بن چکے ہیں،فوج سیاستدانوں کو تحفظ نہیں دے سکتی ،عمران خان اپنی سیاست کے تحفظ کے لیے فوج کی مدد مانگ رہے ہیں،سیاستدان سیاسی جنگیں سیاسی میدان میں ہی لڑیں ،جب سے ہم ایٹمی صلاحیت بنے ہمارے پڑوسی ممالک ہمارے مخالف بنے،اپنے مفاد کے لیے ملک سے نہ کھیلیں ،کچھ اداروں کا تقدس پاکستان کے سلامتی کے لیے ہے ،پاکستان میں کئی آرمی چیف مقرر ہوئے ،کوئی متنازعہ نہیں بنایا گیا ،عمران خان نے یہ کام کرلیا،عمران خان نے جلسے میں آرمی چیف کے حوالے سے غلط بیانی کی عمران خان کے خلاف لمبی کارروائی شروع ہونے والی ہے، کچھ ہوگئی کچھ ہونے والی ہے،بہت جلد پی ٹی آئی سے لوگ تتربتر ہوجائیں گے، پی ٹی آئی میں کئی چہرے اس وقت بھی نظرنہیں آرہے، عمران خان کے خلاف فارن فنڈنگ کی طرح سیلاب فنڈنگ کیس بھی بن سکتا ہے،عمران خان واحد شخص ہے جس کو اقتدار کی ہوس بیٹھنے نہیں دے رہی پچھلے چار مہینے سے عمران خان کی تقاریر کا پیٹرن دیکھیں گے تو یہ پاکستان کی معیشت اور دفاع کے اداروں پر حملہ آور ہیں۔ عمران خان کی تقریریں ریکارڈ کا حصہ ہیں جب وہ کہتے ہیں فوج نیوٹرل نہیں ہوسکتی کیوں کہتے تھے کیوں فوج سے تحفظ اور ساتھ دینے کا مطالبہ کرتے تھے

عدالت جاتے ہوئے بھی عمران خان پولیس والے ساتھ لے کر جاتے ہیں، آئی جی اسلام آباد

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

وزیراعلیٰ پنجاب کا عمران خان کو "خوش” کرنے کا ایک اور "پروگرام”

سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟