عمران خان پاکستان کی دفاعی فصیل میں دراڑ ڈال رہا ہے،فضل الرحمان

جمعیت علماء اسلام کے سربراہ مولانا فضل الرحمان کا کہنا ہے کہ معیشت اور دفاع ریاست کی بقاء کی ضمانت ہوا کرتے ہیں، عمران خان پاکستان کی دفاعی فصیل میں دراڑ ڈال رہا ہے۔

دو چیزیں کسی بھی ریاست کی بقاءکی ضمانت ھواکرتی ھیں ایک معیشت اوردوسرادفاع،جب حکومت میں تھاتوپاکستان کومعاشی طورپرتباہ کردیااب حکومت سےباھر آکرپاکستان کےدفاعی فصیل میں دراڑڈال رھاھے۔اسکےپاکستان توڑنےکےایجنڈےکوھم12سال سےطشت ازبام کرتےچلےآرھےھیں
بنےگی اسطرح تصویرِجاناں ھم نہ کہتےتھے

— Maulana Fazl-ur-Rehman (@MoulanaOfficial) September 5, 2022

مائیکرو بلاگنگ کی سائٹ ٹوئٹر پر اپنے بیان میں مولانا فضل الرحمان نے کہا کہ پاکستان توڑنے کے اس کے ایجنڈے کو ہم 12 سال سے سامنے لا رہے ہیں۔

مولانا فضل الرحمان نے کہا کہ عمران خان حکومت میں تھا تو پاکستان کو معاشی طور پر تباہ کر دیا، اب حکومت سے باہر آکر پاکستان کے دفاعی فصیل میں دراڑ ڈال رہا ہے۔سربراہ جے یو آئی نے کہا کہ بنے گی اس طرح تصویرِ جاناں ہم نہ کہتےتھے۔

مذید برآں زیر خارجہ بلاول بھٹو زرداری نے پاک فوج کی اعلیٰ قیادت کے خلاف عمران خان کے بیان کی مذمت کرتے ہوئے کہا کہ عمران خان فوج اور کمانڈروں کی حب الوطنی پر سوال اٹھانے سے باز رہیں۔

اپنے بیان میں بلاول بھٹو زرداری نے کہا کہ پھر ثابت ہوا عمران خان معیشت، سیاست اور معاشرتی ہم آہنگی کے لیے ان گائیڈڈ میزائل ہے، اداروں کے ارکان کو حب الوطنی اور غداری کے سرٹیفکیٹ دینا اس انارکسٹ کی پہچان ہے۔بلاول بھٹو نے کہا کہ عمران خان پاکستان کو افغانستان، لیبیا اور شام بنانے کی کوشش کر رہا ہے، پاکستان کی محب وطن قوتیں عمران خان کو مذموم عزائم میں کامیاب ہونے نہیں دیں گی۔

انہوں نے کہا کہ مسلح افواج نے ملک کے دفاع کے لیے بے مثال قربانیاں دی ہیں، عوام پاکستان کی سلامتی کی کاوشوں میں مسلح افواج کے ساتھ کھڑے ہیں۔