وزیر اعظم عمران خان سعودی عرب پہنچ گئے، اسلامی سربراہی کانفرنس میں پاکستان کی نمائندگی کریں گے

وزیر اعظم پاکستان عمران خان تین روزہ دورہ پر سعودی عرب پہنچ گئے ہیں. وہ مکہ مکرمہ میں ہونے والی اسلامی سربراہی کانفرنس میں پاکستان کی نمائندگی کریں گے.

باغی ٹی وی کی رپورٹ کے مطابق پاکستانی وزیر اعظم عمران کان سعودی عرب کے3 روزہ دورے پر مدینہ منورہ پہنچ گئے ہیں. وہ روضہ رسول ﷺپر حاضری اور مسجد نبویﷺ میں نوافل ادا کریں گے. اس کے بعد وہ مدینہ منورہ سے جدہ کے لئے روانہ ہوں گے.
او آئی سی اجلاس میں عمران خان پاکستان کی نمائندگی کر رہے ہیں. یہ چودھواں سربراہی اجلاس ہے جو 31 مئی کو شاہ سلمان بن عبدالعزیز السعود کی سربراہی میں ہوگا.

یاد رہے کہ سعودی عرب کے مختلف شہروں پر میزائل حملوں کے بعد او آئی سی کانفرنس بلائی گئی ہے جس میں‌ مسلمان ملک باہم متحد ہو کر آئندہ کا لائحہ عمل طے کریں گے.