عمران خان وائٹ ہاؤس پہنچ گئے، ٹرمپ کی طرف سے بھرپور استقبال

پاکستانی وزیر اعظم عمران خان وائٹ ہاؤس پہنچ گئے ہیں، وزیر اعظم عمران خان کے وائٹ ہاؤس پہنچنے پر ان کا بھرپور استقبال کیا گیا، امریکی صدر ڈونلڈ ٹرمپ کی جانب سے پاکستانی وزیر اعظم عمران خان کا خیر مقدم کیا گیا،

باغی ٹی وی کی رپورٹ کے مطابق امریکی صدر ٹرمپ نےوائٹ ہاؤ س کے دروازے پر وزیراعظم عمران خان کا خیر مقدم کیا، وزیراعظم عمران خان امریکی صدرکی دعوت پرامریکاکادورہ کررہے ہیں، وزیراعظم عمران خان کے ہمراہ وزیر خارجہ شاہ محمود قریشی بھی ہیں،ملاقات میں دوطرفہ تعلقات ،خطےکی صورتحال سےمتعلق تبادلہ خیال کیاجائےگا،

اس وقت ساری دنیا کی نظریں وزیر اعظم عمران خان کے دورہ امریکہ اور ان کی ٹرمپ سے ملاقات پر لگی ہوئی ہیں، وزیر اعظم عمران خان کے حالیہ دورہ امریکہ کو بہت زیادہ اہمیت دی جارہی ہے، وزیر اعظم کی آج کی ملاقاتوں کا باقاعدہ شیڈول جاری کر دیا گیا ہے، وزیر اعظم بعد ازاں اہم کاروباری شخصیات سے بھی ملاقات کریں گے، وہ پاک امریکا بزنس کونسل کے ساتھ میٹنگ کریں گے اور غیر ملکی میڈیا کو انٹرویو بھی دیں گے،

وزیر اعظم عمران خان کی آمد سے پہلے استقبال کیلئے امریکی فوج کا دستہ بھی پہنچ گیا جبکہ پاکستانیوں‌کی بڑی تعدد بھی وائٹ ہاؤس کے باہر موجود ہے، عمران خان اور ٹرمپ کی ون آن ون ملاقات کی طرح وفود کی سطح‌پر بھی بات چیت ہو گی،

ڈی جی آئی ایس پی آر میجر جنرل آصف غفور نے سوشل میڈیا پر جاری بیان میں کہا ہے کہ آرمی چیف جنرل قمر جاوید باجوہ وزیراعظم عمران خان کے وفد کے رکن کی حیثیت سے وائٹ ہاؤس میں ہونے والے اجلاس میں شریک ہوں گے، آرمی چیف اجلاس کے بعد امریکی وزارت دفاع پینٹاگون کا دورہ کریں گے۔ جہاں آرمی چیف امریکا کے قائم مقام وزیر دفاع رچرڈ اسپینسر سے ملیں گے۔ اس کے علاوہ جنرل قمر جاوید باجوہ امریکی چیئرمین جوائنٹ چیفس آف اسٹاف جنرل جوزف ڈنفورڈ اور چیف آف اسٹاف جنرل مارک اے ملے سے بھی ملاقات کریں گے۔

جواب چھوڑیں

آپ کا ای میل ایڈریس شائع نہیں کیا جائے گا.