عمران خان نے باربار قانون کی خلاف ورزی کی جواب دینا ہوگا،بلاول

باغی ٹی وی کی رپورٹ کے مطابق وزیر خارجہ بلاول بھٹو زرداری نے کہا ہے کہ عمران خان نےخود کو بچانے کے لیے اپنے کارکنان کو پولیس کے سامنے لا کھڑا کیا ہے

امریکی میڈیا کو ایک انٹرویو میں پیپلز پارٹی کے چیئرمین اور وزیر خارجہ بلاول زرداری کا کہنا تھا کہ عمران خان سمجھتے ہیں ان پر ملک کا کوئی قانون لاگو نہیں ہوتا ان کو عدالتوں میں بلایا جاتا ہے وہ پیش نہیں ہوتے میرے خاندان اور پارٹی نے ڈکٹیٹر شپ کا سامنا کیا عمران خان نے باربار قانون کی خلاف ورزی کی جس پر انہیں جواب دینا ہوگا ، وزیر خارجہ بلاول زرداری کا مزید کہنا تھا کہ پاکستان کو معاشی، سیاسی اور سکیورٹی سے متعلق چیلنجزدرپیش ہیں، پاکستان کو آگے بڑھانے کے لیے طویل مدتی منصوبہ بندی کرنا ہوگی

دوسری جانب وزیر مملکت اور ترجمان پیپلزپارٹی فیصل کریم کنڈی کا کہنا ہے کہ بزدل بہت دیکھے مگر عمران جیسا بزدل پہلی بار دیکھا ہے عمران احمد نیازی سیاست کو رسوا نہ کرو ،آج ثابت ہوا عمران ڈبہ لیڈر ہے جو ٹی وی کے اسکرین تک محدود ہے،ہمیں علم ہے کہ کس کمزوری کی بنیاد پر نیازی صاحب جیل سے گھبراتے ہیں، بہادری کے لیئے لفاظی نہیں بہادری کا مظاہرہ کرنا ہوتا ہے ،ڈبہ لیڈر زمان پارک میں گرفتاری کے خوف سے کانپ رہا ہے،

سیکرٹری جنرل پیپلز پارٹی سید نیئر بخاری کا کہنا تھا کہ عدلیہ سے حفاظتی ضمانت اور حکم امتناع لینے والے عمران خان کے وارنٹ گرفتاری عدلیہ نے ہی جاری کئے ہیں،قانون کی حکمرانی اور یکساں انصاف کے راگ الاپنے والا ریلو کٹوں کو ڈھال بنا رہا ہے، کیا قانون سے مزاحمت قانون کی بالادستی ہے؟ بے گناہ ثابت کرنے کیلئے عدالتوں میں پیش ہونا پڑتا ہے، کسی شہری یا سرکاری ملازم کے نقصان کا براہ راست ذمہ دار عمران خان ہوگا، ڈنڈا بردار جتھوں کا پولیس اہلکاروں پر پتھراؤ اور اداروں سے ٹکراؤ قانون توڑنے کے مترادف ہے

، نیب ترامیم کیس گزشتہ سال جولائی میں شروع ہوا اس کیس کو ختم ہونے میں وقت لگے گا،

،قانون کو کوئی بھی ہاتھ میں لے گا تو کاروائی ہوگی ،ڈی آئی جی آپریشنز اسلام آباد

 کل شام سے گرفتاری کے لئے شروع ہونے والا آپریشن تاحال مکمل نہ ہو سکا،

اسلام آبادم پنڈی، کراچی، صادق آباد و دیگر شہروں میں مقدمے درج 

عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،