عمران کو جیل میں ڈال دینا چاہئے۔ وزیرداخلہ رانا ثناء اللہ

وزیر داخلہ رانا ثناء اللہ نے پارلیمنٹ سے باہر میڈیا سے بات کرتے ہوئے کہا کہ: اداروں کو گالم گلوچ کرنیوالوں کو کھلی چھٹی نہیں دینگے اور سابق وزیر اعظم عمران خان کو گرفتار کر کے جیل میں ڈالنا چاہئے کیونکہ یہ شخص ملک میں انارکی پھیلا رہاہے اور قوم کے لئے سیکورٹی رسک بنا ہوا ہے ۔

انہوں نے واضح کیاکہ ملک اورقوم کے جان و مال کی حفاظت ہماری اولین ترجیح ہے ، اور ہر جماعت کو آئین کے مطابق احتجاج کا حق ہے مگر یہ احتجاج پرامن ہونا چاہئے جوکہ آئین پاکستان میں بھی درج ہے۔

ان کا کہنا تھا: عمران خان کے کہنے پر اب لوگ باہر نہیں نکلیں گےکیونکہ لوگ اب ان کی جھوٹی اورگمراہ کن سیاست کو جان چکے ہیں ۔ لہذا قانون کو ملحوظ نہ رکھا گیا تو میں چیلنج کرتا ہوں کہ عمران خان مجھے اٹک پل پار کر کے دکھا دیں۔

تاہم ایک سروے رپورٹ کے مطابق: 78 فیصد پاکستانی پی ٹی آئی کو سڑکوں پر احتجاج کی بجائے سیاسی حریفوں کے ساتھ مل بیٹھ کر مسائل حل کرنے کا مشورہ دے رہے ہیں ، مشورہ دینے والوں میں دیگر سیاسی جماعتوں کے علاوہ 71 فیصد پاکستانی ایسے ہیں جو اپنے آپ کو پاکستان تحریک انصاف کا ووٹر کہتے ہیں.