سعد فاروق
پی ٹی آئی کی سوشل میڈیا ٹیم کے سابقہ "شیر دل” ایکٹیوسٹ عمران لالیکا اچانک نرمی اختیار کرتے ہوئے منظر عام پر آ گئے۔ سوشل میڈیا پر ان کا ایک ویڈیو بیان وائرل ہو رہا ہے جس نے ان کے چاہنے والوں اور سیاسی مخالفین دونوں کو حیران کر دیا ہے۔
باغی ٹی وی کے مطابق ویڈیو میں عمران لالیکا نہ صرف جذباتی دکھائی دیے بلکہ انہوں نے ہاتھ جوڑ کر، "پاک فوج زندہ باد، پاکستان پائندہ باد” کے نعرے لگاتے ہوئے عدلیہ اور افواج پاکستان کے خلاف کی گئی اپنی سابقہ ٹویٹس پر کھلے دل سے معافی مانگ لی۔ان کا کہنا تھا: "میری ٹویٹس کا مقصد کسی ادارے کی توہین نہیں تھا، میں گمراہ ہو گیا تھا۔ اب میری آنکھیں کھل گئی ہیں، میں سوشل میڈیا سے ہمیشہ کے لیے کنارہ کشی اختیار کر رہا ہوں۔”
ذرائع کے مطابق عمران لالیکا نے اپنا ایکس (ٹوئٹر) اکاؤنٹ بھی ہمیشہ کے لیے بند کر دیا ہے تاکہ کسی قسم کی مستقبل کی سرگرمیوں کا راستہ ہی نہ بچے۔سیاسی مبصرین اسے پی ٹی آئی کی سوشل میڈیا ٹیم کے لیے ایک اور بڑا دھچکہ قرار دے رہے ہیں، جب کہ مخالفین اس ویڈیو کو "یوٹرن نمبر 786” کا نام دے رہے ہیں۔ادھر پارٹی کے اندرونی حلقوں میں بھی اس بیان سے ہلچل مچ گئی ہے۔ کچھ کارکنوں نے عمران لالیکا کی حمایت کی ہے تو کچھ نے اس اقدام کو "دباؤ کا نتیجہ” قرار دیا ہے۔
سوال یہ پیدا ہوتا ہے کہ کیا عمران لالیکا اکیلے ہی "راہ راست” پر آئے ہیں، یا یہ کسی بڑی لہر کی شروعات ہے؟ ، جو بھی ہو، یہ ویڈیو بیان سیاسی منظرنامے میں ایک نئی بحث کو جنم دے چکا ہے اور آن لائن جنگ ایک نئے موڑ پر پہنچ گئی ہے۔
لاہور، تیزگام ایکسپریس سے ایک شخص کی لاش برآمد
صدر، وزیراعظم اور وزیر داخلہ کا سیکیورٹی فورسز کو خراج تحسین
