بھارتی فوج کے مطابق چین سے حالیہ لڑائی میں ہلاکتوں کے علاوہ 76 فوجی شدید زخمی ہوئے

0
28

نئی دہلی :بھارتی فوج کے مطابق چین سے حالیہ لڑائی میں ہلاکتوں کے علاوہ 76 فوجی شدید زخمی ہوئے،اطلاعات کے مطابق بھارت اورچین کے درمیان معاملات نظررکھنے والے دفاعی تجزیہ نگاوں کی طرف سے ایک بہت بڑا انکشاف سامنے آیا ہے،اس انکشاف میں کہا گیا ہےکہ بھارتی فوج کے درجنوں فوجی شدید زخمی بھی ہوئے

باغی ٹی وی کےمطابق مصدقہ ذرائع کا کہنا ہےکہ چین کےہاتھوں بھارتی فوج کو بڑے پیمانے پرجانی نقصان بھی بہت زیادہ ہے مگراس کے ساتھ ساتھ بھارتی فوج کے 76 سے زائد فوجیوں کی چینی فوج نے ایسی دہلائی کی ہے کہ ان میں سے اکثرمعذورہوگئے ہیں ،

دفاعی تجزیہ نگاروں کے مطابق پچھلے چند دنوں میں بھارت کےبڑی تعداد میں فوجیوں کو چینی فوج نے ایسے آلات سے خوب مارا کہ بھارتی فوجی وہاں ہی ڈھیرہوگئے ، جس کے بعد بھارتی فوج میں بددلی پھیل گئی ،

حکام کے مطابق اس واقعہ کے بعد بھارتی وزارت دفاع نے انہین حالات کے پیش نظرچین سے معاملات کو بات چیت کے ذریعے حل کرنے
کی کوششیں شروع کردی تھیں

واضح رہے گذشتہ روز لداخ میں چینی اور بھارتی فوجیوں کے مابین جھڑپ کے دوران ہندوستانی کرنل سمیت 20 سپاہی مارے گئے تھے جس پر بھارت میں سوگ کی سی کیفییت ہے اور کشمیر کے معاملے پر پاکستان کو سرجیکل سٹرائیک کی دھمکیاں دینے والے نریندر مودی کو سانپ سونگھ گیا ہے، بھارتی میڈیا مودی سرکار کو شدید تنقید کا نشانہ بھی بنا رہا ہے۔

 

گرچہ دونوں ملکوں کی طرف سے معاملے کو ٹھنڈا رکھنے کی کوشش کی گئی لیکن اس واقعے کے ایک ہفتے بعد بھی معاملہ گرم ہے اور دونوں ملک ایک دوسرے پر سرحدی خلاف ورزی کا الزام عائد کر رہے ہیں۔ خلیجی اخبار نے مبصرین کے حوالے سے کہا ہے کہ دونوں ملکوں کے درمیان کشیدگی بڑھنے کا امکان ہے کیونکہ چینی فوج نے بھارتی سرحدوں میں داخل ہو کر اپنا فوجی ساز و سامان منتقل کرنا شروع کر دیا ہے۔

نئی دہلی میں قائم دفاعی ادارے سے تعلق رکھنے والے مبصر اجئے شکلا کہتے ہیں کہ صورتحال میں مزید گرما گرمی کے نتیجے میں مکمل جنگ چھڑ سکتی ہے۔

انہوں نے کہا کہ ہزاروں چینی فوجی بھارتی حدود میں موجود ہیں، ان کیلئے اب باقی کیا کرنا رہ گیا ہے؟ لڑنا۔انہوں نے کہا کہ چین تعمیراتی سرگرمیوں کا بہانہ بنا کر بھارت پر مختلف سیاسی و معاشی مقاصد کی وجہ سے دبائو ڈال سکتا ہے جس کا ہم فی الحال یقین سے کچھ نہیں کہہ سکتے۔

Leave a reply