ہندوستان میں کورونا سےصورتحال انتہائی سنگین سےسنگین ترہونےلگی

نئی دہلی :ہندوستان میں کورونا سے صورتحال انتہائی سنگین سے سنگین ترہونے لگی ،اطلاعات کےمطابق ہندوستان میں کورونا سے صورتحال دن بہ دن ابتر ہوتی جا رہی ہے جس سے اس ملک کے عوام میں تشویش کی لہر دوڑ گئی ہے۔

ہندوستانی میڈیا نےصحت اور خاندانی بہبود کی مرکزی وزارت کے جاری کردہ اعداد و شمار کی بنیاد پر آج جمعرات کے روز رپورٹ دی ہے کہ پچھلے 24 گھنٹوں کے دوران کورونا انفیکشن کے 52 ہزار123 معاملے رپورٹ ہوئے جس سے متاثرہ افراد کی تعداد 15 لاکھ 83 ہزار 792 ہوگئی ہے

بھارتی ذرائع ابلاغ کے مطابق 775 افراد کی اس بیماری کی وجہ سے موت ہونے سے اب تک 34 ہزار 968 لوگ اس کی زد میں آکر دنیا کو الوداع کہہ چکے ہیں تاہم کورونا سے صحت یاب ہونے کا سلسلہ بھی جاری ہے اور اب تک 10 لاکھ 20 ہزار 582 افراد صحت یاب ہوئے ہیں۔

ہندوستان کی ریاست مہاراشٹرا اب بھی وبائی مرض سے سب سے زیادہ متاثر ہے۔