شامی فوج کی شاندار پیشقدمی ، کس سے مقابلہ جاری ہے. ضرور جانیئے

0
35

ادلب : اسد انتظامیہ کی طرف سے یہ اطلاعات گردش کررہی ہیں کہ شامی فوج نے ادلب کے مغرب اور لاذقیہ کے مضافات میں واقع اسٹریٹیجک شہر کبانی کی جانب شاندار پیشقدمی کی ہے۔شام میں عسکری ذرائع کا کہنا ہے کہ شامی فوج نے کبانی شہر کے قریب واقع پہاڑیوں پر اپنا کنٹرول کرکے لاذقیہ کے مضافات میں موجود دہشت گردوں کے خلاف ایک نیا محاذ کھول دیا ہے۔

ادلب ، صوبے حماہ سے شامی ذرائع کا کہنا ہے کہ کبانی شہر اور اس کے اطراف کی پہاڑیوں پر شامی فوج کا کنٹرول ہوجانے کی صورت میں، داما، السرمانیہ، الناجیہ اور جسر الشغور شہروں پر بھی شامی فوج کا کنٹرول ہوجائے گا۔

ذرائع کے مطابق شامی فوج نے صوبہ ادلب کے جنوبی علاقے کے شہروں کفرعین، تل عاس او الہبیط کو دہشت گردوں کے قبضے سے آزاد کرالیا تھا۔ شام کے صوبے حماہ اور ادلب دہشت گردوں کے آخری ٹھکانے رہ گئے ہیں جبکہ شامی فوج نے ملک کے بیشتر علاقوں کو دہشت گردوں کے قبضے سے آزاد کرالیا ہے۔

Leave a reply