میر شکیل الرحمن کوبادشاہ سلامت نے 54 کنال اراضی کس خوشی میں عنایت کی؟ نواز شریف کے وارنٹ گرفتاری جاری

لاہور:میر شکیل الرحمن کوبادشاہ سلامت نے 54 کنال اراضی کس خوشی میں عنایت کردی :نواز شریف کے وارنٹ گرفتاری جاری،اطلاعات کے مطابق نیب نے میر شکیل الرحمن اراضی کیس میں سابق وزیراعظم نواز شریف کو اشتہاری قرار دلوانے کا فیصلہ کرتے ہوئے وارنٹ گرفتاری جاری کر دئیے ہیں۔

تفصیلا کے مطابق قومی احتساب بیورو (نیب) نے میر شکیل الرحمن اراضی کیس میں سابق وزیراعظم نواز شریف کو اشتہاری قرار دلوانے کا فیصلہ کر لیا ہے۔نیب نے اراضی کیس میں نواز شریف کے وارنٹ گرفتاری جاری کردئیے ہیں، نواز شریف کو اشتہاری کرانے کےلیے احتساب عدالت سے رجوع کیا جائے گا۔نوازشریف متعدد بار طلبی کے باوجود پیش نہیں ہوئے،اور نہ ہی نیب کے سوالنامے کا جواب دیا۔

واضح رہے کہ 12 مارچ کو نیب نے میر شکیل الرحمان کو غیر قانونی پلاٹوں کے کیس میں گرفتار کیا تھا۔تفصیلات کے مطابق میر شکیل الرحمان کونواز شریف کے دور میں 54 پلاٹوں پر رعایت ملی، میر شکیل الرحمان پر نواز شریف سے 54 پلاٹوں پر غیر قانونی رعایت لینے کا الزام ہے اور میر شکیل الرحمان نے پلاٹ سے ملحقہ گلیوں کو بھی پلاٹ میں شامل کر لیا تھا ۔