fbpx

ویکسینیشن کے باوجود کرونا کیسزمیں اضافہ:عرب امارات نے گھروں سے کام کرنا فرض قراردے دیا

دبئی :ویکسینیشن کے باوجود کرونا کیسزمیں اضافہ:عرب امارات نے گھروں سے کام کرنا فرض قراردے دیا ،اطلاعات کے مطابق متحدہ عرب امارات (یو اے ای) کی ریاست شارجہ میں کورونا کے بڑھتےکیسز کے باعث سرکاری ملازمین کوگھر سےکام کرنے کا حکم جاری کردیا گیا۔

اس حکم نامے میں کہا گیا ہے کہ تمام تراقدامات کے باوجود کرونا کیسزمیں اضافہ ہورہاہے ،لٰہذا تمام سرکاری ملازمین اپنے گھروں سے کام کیاکریں گے

یاد رہے کہ عرب امارات سمیت دنیا بھرمیں سرکاری اورغیرسرکاری اداروں نے گھروں سے کام کرنے کی ہدایت کررکھی ہے، یہ بھی رپورٹ پیش کی گئی ہےکہ اس حکم کے بعد کام میں تسلسل آیا ہے اوربہتری بھی ، اس کے ساتھ ساتھ دفتروں کے اضافی اخراجات سےبھی جان چھوٹ گئی ہے

خلیجی اخبار کے مطابق شارجہ کے حکام نے سرکولر کے ذریعے تمام سرکاری اداروں کو حکم دیا ہےکہ وہ اپنے عملے سے گھر سے ہی کام کروائیں اور جن اداروں میں گھر سے کام کرنا ممکن نہیں وہ 2 شفٹوں میں 50،50 فیصد عملے سے کام کروائیں تاکہ دفتر میں زیادہ رش نہ ہو۔

حکام کا کہنا ہےکہ دفتر میں کام کے دوران سماجی فاصلے اور کورونا کے حوالے سے تمام احتیاطی تدابیر پر عمل کو یقینی بنایا جائے۔رپورٹ کے مطابق گھر سے کام کرنے سے متعلق نیا حکم 14 فروری سے نافذالعمل ہوگا۔

جواب چھوڑیں

آپ کا ای میل ایڈریس شائع نہیں کیا جائے گا.