پاکستان کی دھمکی کام کرگئی:ٹی 20 ورلڈ کپ: بھارت نے پاکستانی کھلاڑیوں کو ویزے دینے کی منظوری دے دی

لاہور: پاکستان کی دھمکی کام کرگئی:ٹی 20 ورلڈ کپ: بھارت نے پاکستانی کھلاڑیوں کو ویزے دینے کی منظوری دے دی ،اطلاعات کے مطابق ٹی 20 ورلڈ کپ کیلئے بھارتی حکومت نے پاکستانی ٹیم کو ویزے دینے کی منظوری دیدی۔ ورلڈ کپ کی کوریج کیلئے صحافیوں کو بھی بھارتی حکومت ویزے جاری کریگی۔

بھارتی کرکٹ بورڈ نے اپیکس کونسل کو اس حوالے سے تفصیلات سے آگاہ کر دیا ہے۔ ذرائع کے مطابق شائقین کرکٹ کی بھارت آمد کا فیصلہ بعد میں کیا جائے گا۔

یاد رہے کہ پاکستان کرکٹ بورڈ (پی سی بی) کے چیئرمین احسان مانی نے کہا تھا اگر نئی دہلی نے پاکستانی کھلاڑیوں کو ویزوں اور حفاظتی انتظامات کے بارے میں یقین دہانی نہ کرائی تو انٹرنیشنل کرکٹ کونسل (آئی سی سی) سے ٹی ٹوئنٹی ورلڈ کپ بھارت سے باہر منتقل کرنے کا مطالبہ کریں گے۔

پاکستان کی طرف سے سخت ناراضگی کے بعد بھارت میں ٹی ٹونٹی ورلڈکپ میں شرکت کے معاملے پر پاکستانی تشویش پر بھارتی کرکٹ بورڈ نے انٹرنیشنل کرکٹ کونسل کو تحریری طور پر آگاہ کرتے ہوئے کہا ہے کہ پاکستان کے معاملات خوش اسلوبی سے حل کیے جائیں گے۔