بھارت نواز شریف کی مدد کے لیے میدان میں آگیا؟ :پناہ کی پیش کش کیے جانے کا قوی امکان

0
39

لندن :بھارت نواز شریف کی مدد کے لیے میدان میں آگیا؟ :پناہ کی پیش کش کیے جانے کا قوی امکان ،اطلاعات کے مطابق برطانیہ کی طرف سے نوازشریف کی پناہ کی درخواست مسترد کئے جانے کے بعد بھارت کی جانب سے نواز شریف کو پناہ کی پیش کش کیے جانے کا امکان بڑھ گیا ۔

ن لیگ کے قائد اور پاکستان کے سابق وزیراعظم نواز شریف کی ویزہ توسیع درخواست مسترد ہونے کے بعد ملک کے معروف اور سینئر قانون دان اعتزاز احسن کی جانب سے نجی ٹی وی چینل کے پروگرام سے گفتگو کرتے ہوئے بتایا گیا ہے کہ نواز شریف کے پاس اس وقت پاکستانی پاسپورٹ موجود نہیں، اس لیے ان کا برطانیہ سے کسی دوسرے ملک جانا آسان نہیں۔

لیکن اگر کوئی ملک خصوصی اجازت دے تو پھر نواز شریف بنا پاسپورٹ کے بھی اس ملک کا سفر کر سکتے ہیں،اوروہ ملک بھارت بھی ہوسکتا ہے

اعتزازاحسن کہتے ہیں کہ قائد ن لیگ جب بھی حکومت میں آئے انہوں نے غیر ملکی حکمرانوں سے ذاتی تعلقات قائم کیے، اس لیے سعودی عرب یا کسی دوسرے ملک سے انہیں ریلیف مل سکتا ہے۔

اعتزاز احسن کے مطابق ہو سکتا ہے کہ بھارت بھی نواز شریف کو پناہ دینے کی پیش کش کر دے۔ سینئر قانون دان کے مطابق بھارت موجودہ صورتحال سے فائدہ اٹھا کر اپنی چال چلے گا، میاں صاحب ان حالات میں شاید بھارت کی کسی پیش کش کو قبول نہیں کریں گے۔

Leave a reply