ورلڈ ہیڈر ایڈ

پاکستانی قوم کا دیرینہ مطالبہ ہوا پورا، بھارت کے لئے پاکستان کی فضائی حدود بند، منتیں بھی کام نہ آئیں

پاکستان نے بھارت کے لئے اپنی فضائی حدود بند کر دی

باغی ٹی وی کی رپورٹ کے مطابق پاکستان نے بھارت کے لئے اپنی فضائی حدود کو بند کر دیا، بھارتی صدر کو پاکستانی فضائی حدود استعمال کرنے کی اجازت نہیں دی گئی

وزیر خارجہ شاہ محمود قریشی نے تفصیلات سے آگاہ کرتے ہوئے کہا کہ بھارتی صدررام ناتھ کووند نے 8 ستمبرکوآئس لینڈجانا تھا،پاکستان نےبھارتی صدرکےطیارے کیلئےبھارت کوکلیئرنس نہیں دی،پاکستان نے بھارتی صدرکوفضائی حدوداستعمال کرنے کی اجازت دینے سے انکار کر دیا. بھارتی صدرنےپاکستانی فضائی حدودسےگزرنےکی درخواست کی تھی

شاہ محمود قریشی کا مزید کہنا تھا کہ مقبوضہ کشمیرمیں بربریت اورظلم کاسماں ہے، ہم نےصبرکامظاہرہ کیااورنہایت محتاط طریقے سے مسئلے کواٹھایا، بھارتی حکومت ٹس سےمس نہیں ہورہی،بھارتی صدرکوپاکستانی فضائی حدودکےاستعمال کی اجازت نہیں دی جارہی،بھارتی جنونیت کومدنظررکھتے ہوئے فیصلہ کیاگیا،

مقبوضہ کشمیر میں مسلسل ایک ماہ سے کرفیو،کنٹرول لائن پر بڑھتی ہوئی دہشت گردی پر پاکستانی عوام، تاجروں، سماجی تنظیموں‌ اور دیگر تمام شعبہ ہائے زندگی سے تعلق رکھنے والے افراد کی جانب سے حکومت سے مطالبہ کیا جارہا تھا کہ انڈیا کیلئے فوری طور پر پاکستان کی فضائی حدود بند کر دی جائیں تاکہ ان کی ایئر لائنز کو شدید نقصان سے دوچار کیا جاسکے اور یہ بھی کہا جارہا ہے کہ اگر انڈیا کی طرف سے کسی قسم کی فضائی حدود کی خلاف ورزی کی جائے تو 27 فروری جیسا بھرپور جواب دیا جائے.

بھارتی وزیر سول ایوی ایشن ہردیپ سنگھ پوری نے راجیہ سبھا میں خطاب کرتے ہوئے کہا تھا کہ پاکستانی فضائی حدود بند ہونے سے بھارت کو 548 کروڑ روپے کا نقصان ہوا ہے.

جواب چھوڑیں

آپ کا ای میل ایڈریس شائع نہیں کیا جائے گا.