fbpx

بھارت کا ظلم کشمیریوں کی حق کی آواز نہیں دبا سکتا ،شہباز شریف

قومی اسمبلی میں قائد حزب اختلاف شہباز شریف نے کہا ہے کہ مودی کا ہر ظلم مقبوضہ کشمیر کی آزادی کی صبح قریب لارہا ہے ،

باغی ٹی وی کی رپورٹ کے مطابق شہباز شریف نے کشمیر کے حوالہ سے ایک بیان میں کہا کہ مودی جتنا چاہے ظلم کر لے،کشمیریوں کی آزادی نوشتہ دیوار ہے،بھارت کا ظلم کشمیریوں کی حق کی آواز نہیں دبا سکتا ،کرفیو اورانسانی حقوق کی پامالیوں کی شدید الفاظ میں مذمت کرتے ہیں،

شہباز شریف کا مزید کہنا تھا کہ مودی کا ہرظلم بھارت کی کشمیریوں کے ہاتھوں شکست لکھ رہا ہے،انسانیت سوزمظالم پرایک دن مودی کیخلاف جنگی جرائم کا مقدمہ چلایاجائے گا،مودی نے خود کوصرف انسانیت کا قاتل ثابت کیا ،تاریخ مودی کوبے گناہوں کا خون بہانے والےسفاک قصائی کےطورپر یاد رکھے گی ،مودی کے ظلم نے دنیا کو انصاف پسندوں اورناانصافوں میں تقسیم کردیا ہے،مودی مقبوضہ کشمیرکوظلم، غیرقانونی طورپربھارت میں ضم کرکے ہضم نہیں کرسکتا،