انڈیا کی درخواست پر دو مرتبہ پاکستانی فضائی حدود استعمال کرنے کی اجازت دی. ڈاکٹر محمد فیصل
دفتر خارجہ کے ترجمان ڈاکٹر محمد فیصل نے کہا ہے کہ انڈیا نے پاکستان کی فضائی حدود سے گزرنے کے لئے دو مرتبہ گزرنے کی درخواست کی تھی جس پر پاکستان کی جانب سے انہیں اجازت دی گئی.
India requested 2 overflight clearances for Indian PM & EAM. After requisite processing, permission was granted earlier today. It is upto India what route it decides to use.
Pakistan also granted flight clearance to earlier Indian request for EAM travel to Bishkek 21-22 May 2019.— Spokesperson 🇵🇰 MoFA (@ForeignOfficePk) June 12, 2019
باغی ٹی وی کی رپورٹ کے مطابق ڈاکٹر محمد فیصل کا کہنا تھاکہ پہلی مرتبہ ان کے وزیر خارجہ نے جانا تھا تو انہیں اجازت دی گئی جبکہ
دوسری مرتبہ ہندوستانی وزیر اعظم نریندر مودی کیلئے شنگھائی تعاون تنظیم کے اجلاس میں شرکت کی خاطر جانے کیلئے پاکستانی فضائی حدود استعمال کرنے کی اجازت طلب کی گئی جس پر انہیں اس کی اجازت دے دی گئی ہے تاہم اب انڈیا کی مرضی ہے کہ وہ کون سا روٹ اختیار کرتے ہیں.
واضح رہے کہ انڈیا کی جانب سے نریندر مودی کے طیارے کو پاکستان کی فضائی حدود سے گزرنے کی اجازت طلب کی گئی تھی تاکہ وہ کرغزستان میں شنگھائی تعاون تنظیم ی کے سربراہ اجلاس میں شرکت کے لیے بشکیک جا سکیں. پاکستانی دفتر خارجہ کا کہنا ہے کہ بھارتی طیارے کو پاکستان کی فضائی حدود سے گزرنے کی اجازت نئی دہلی کی درخواست پر دی گئی ہے تاہم اب بھارتی ذرائع ابلاغ کا کہنا ہے کہ ہندوستانی وزیر اعظم نریندر مودی کا طیارہ بشکیک جانے کے لیے پاکستان کی فضائی حدود استعمال نہیں کرے گا۔