بھارتی فوج کے جرنیل آئی ایس پی آر کی صلاحیتوں کے گیت گانے لگے

بھارتی فوج کے سابق جنرل نے آئی ایس پی آر کا کامیابی کا اعتراف کرتے ہوئے کہا ہے کہ اطلاعات کی جنگ میں بھارتی فوج کو آئی ایس پی آر نے مکمل طور پرشکست دی ہے

باغی ٹی وی کی رپورٹ کے مطابق بھارتی فوج کے سابق جنرل لیفٹیننٹ جنرل سیدعطاء حسنین نے لندن میں اسٹریٹجک علوم کے بین الاقوامی ادارے کے زیراہتمام سیمینار سے خطاب میں پاک فوج کے شعبہ تعلقات عامہ ڈی جی آئی ایس پی آر کی کامیابی کو سراہتے ہوئے کہا کہ پاک فوج کے شعبہ آئی ایس پی آر نے اطلاعات کی جنگ میں بھارتی فوج کو مکمل طور پر شکست دی ہے ۔انہوں نے پاک فوج کے شعبہ تعلقات عامہ کی بہترین حکمت عملی پر اطلاعات کی رسائی کے محاذ پر آئی ایس پی آر کی کامیابی کا اعتراف کیا ہے۔

واضح رہے کہ بھارتی آرمی چیف جنرل بپن روات پاک فوج کی انفارمیشن وار حکمت عملی سے خوفزدہ ہو چکے ہیں، بھارتی آرمی چیف نے اعتراف کیا ہے کہ پاک فوج نے بھارت کو انفارمیشن وار میں شکست دے دی ہے. بھارتی فوج کے سربراہ نے اپنی فوج کے موجودہ و سابقہ افسروں کے سوشل میڈیا استعمال پر پابندی لگا دی اور کہا کہ گزشتہ ہفتے آپریشنل معلومات لیک ہوئیں وہ سوشل میڈیا کے ذرئعے لیک ہوئیں اس لئے اب بھارتی فوج میں سوشل میڈیا استعمال پر پابندی لگائی جا رہی ہے.

بھارتی آرمی چیف پاک فوج کی حکمت عملی سے خوفزدہ، اپنی فوج پر لگائی پابندی

مقبوضہ کشمیر میں پاکستانی جھنڈوں کا لہرایا جانا عام سی بات ہے۔ کشمیری اپنے پیاروں کو پاکستانی جھنڈے میں ہی دفناتے ہیں۔ لیکن اب کشمیر میڈیا سروس کے مطابق مقبوضہ کشمیر میں آئی ایس پی آر کے ڈائریکٹر جنرل میجر جنرل آصف غفور کی تصاویر کے ساتھ بہت سارے پوسٹرز اور ہینڈ بلز منظر عام پر آئے ہیں۔پوسٹروں میں تحریر لکھی گئی ہے کہ پاکستان آخری سپاہی اور گولی تک کشمیر کے لیے جنگ جاری رکھے گا۔

حریت کارکنوں نے بھی پوسٹروں میں اعلان کیا ہے کہ پوری کشمیری قوم مل کر بھارت کو ان کے آبائی وطن سے باہر نکالیں گے ، کارکنوں کے مطابق کشمیر دنیا میں جنت ہے اور جنت بھارتی فورسز کا ٹھکانہ نہیں بن سکتی.

واضح رہے کہ مقبوضہ کشمیر میں پانچ اگست سے کرفیو نافذ ہے اور کشمیریوں کا گھروں سے نکلنا بند کیا گیا ہے، وادی کے چپے چپے پر قابض بھارتی فوج تعینات ہے.تعلیمی ادارے، انٹرنیٹ ،موبائل سروس بند ہے

جواب چھوڑیں

آپ کا ای میل ایڈریس شائع نہیں کیا جائے گا.