بھارتی فوج نے مقبوضہ کشمیر میں کرفیو لگا دیا، رات کون سا بڑا اقدام اٹھایا جاسکتا ہے؟ اہم خبر

مقبوضہ کشمیر میں بھارتی فوج کی طرف سے بڑے پیمانے پر کرفیو نافذ‌ کر دیا گیا ہے اور وادی کشمیر میں لوگ اپنے گھروں‌ میں محصور ہو کر رہ گئے ہیں،

باغی ٹی وی کی رپورٹ کے مطابق مقبوضہ کشمیر میں حالات اس وقت انتہائی خطرناک صورت حال اختیار کر چکے ہیں اور مقبوضہ کشمیر سے ملنے والی اطلاعات کے مطابق بھارتی فوج نے تمام علاقوں میں‌ کرفیو نافذ کر دیا ہے،بھارتی فوج جسے آج صبح سے ہی انہتائی چوکس کر دیا گیا تھا اور فورسز اہلکاروں نے پولیس اسٹیشنوں کا کنٹرول سنبھالنا شروع کردیا تھا اس سے صاف نظر آ رہا تھا کہ آج کی رات بھارتی فوج ضرور کچھ نہ کچھ کرے گی اور پھر یہی ہوا ہے بھارتی فوج نے پوری وادی میں کرفیو نافذ کر دیا ہے.

وادی کشمیر کے تحریک آزادی کے حوالہ سے حساس علاقوں میں صورتحال زیادہ حساس ہے اور لوگ اپنے گھروں‌ میں محصور ہو گئے ہیں، کسی کو گھر سے باہر آنے کی اجازت نہیں‌ ہے، بھارتی فوج کی طرف سے لگائے جانے پر جموں‌ کشمیر میڈیکل ہسپتال کے سپرنٹنڈنٹ کا ایک لیٹر بھی سوشل میڈیا پر وائرل ہوا ہے جس میں ڈاکٹرز اور پیرا میڈیکل سٹاف کیلئے کرفیو پاس بنانے کا مطالبہ کیا گیا ہے،

باغی ٹی وی کے ذرائع کے مطابق یہ بھی معلوم ہوا ہےکہ کرفیو کے نفاذ کے بعد بھارتی فوج کی طرف سے کسی بڑے آپریشن کی اطلاعات ہیں،

جواب چھوڑیں

آپ کا ای میل ایڈریس شائع نہیں کیا جائے گا.