بھارتی فوج نکسل عوام کا قتل عام کرنے لگی:ایک ہی واردات میں 26 نکسل شہری ماردیئے

0
25

ممبئی : بھارتی فوج نکسل عوام کا قتل عام کرنے لگی:ایک ہی واردات میں 26 نکسل شہری ماردیئے ،اطلاعات کے مطابق بھارتی ریاست مہاراشٹر کے ضلع گڈچرولی میں بھارتی پیراملٹری فورسز اور پولیس اہلکاروں نے ماو نواز رہنما سمیت 26 نکسل وادیوں کو ہلاک کر دیاہے۔

کشمیرمیڈیاسروس کے مطابق پولیس کے ایک اعلیٰ عہدیدار نے بتایا کہ ممبئی سے 900کلومیٹر کے فاصلے پر واقع ضلع کے مردنٹولا جنگلاتی علاقے میں کورچی کے مقام پرپولیس کی ایک کمانڈو ٹیم نے تلاشی کی کارروائی کے دوران سرکردہ نکسل رہنما ملند تلٹمبڈے سمیت 26 نکسلیوں کو ہلاک کردیا۔

بھارتی میڈیا نے تسلیم کیا ہے کہ پولیس نے بتایاکہ کمانڈوزنے جو پولیس کا ایلیٹ ونگ ہے، تلاشی کے دوران 26 نکسلیوں کی لاشیں برآمد کی ہیں۔ریاستی پولیس کے ایک سینئر افسر نے اتوار کو تصدیق کی کہ تلتمبڈے ہلاک ہونے والے نکسلیوں میں شامل ہیں۔

پولیس نے بتایاکہ26 نکسلیوں کی ہلاکت منی پور میںکیے گئے حملے میں آسام رائفلز کے کرنل، ان کی اہلیہ، بیٹے اورچار اہلکاروںکی ہلاکت کے بعد ردعمل کا حصہ ہے۔یہ بات قابل ذکر ہے کہ نکسل انصاف اور بھارت کی طرف سے چھینے گئے حقوق کے لیے جدوجہد کر رہے ہیں۔

Leave a reply