fbpx

محمد رضوان آپ ہارے نہیں:آپ نے تو دشمن کا دل بھی جیت لیا:بھارتی کرکٹرکا خراج تحسین

نئی دہلی:محمد رضوان آپ ہارے نہیں:آپ نے تو دشمن کا دل بھی جیت لیا:بھارتی کرکٹرکا خراج تحسین ،اطلاعات کے مطابق سابق بھارتی بیٹسمین وی وی ایس لکشمن بھی محمد رضوان کی تعریف کیے بنا نہ رہ سکے۔

ٹوئٹر پر جاری بیان میں سابق بھارتی کرکٹر وی وی ایس لکشمن نے پاکستان کے عظیم بلے باز محمد رضوان کومخاطب کرتےہوئے کہاکہ آپ تو ایک عظیم انسان ہیں ، یاد رکھیئے آپ ہارے نہیں بلکہ آپ کے رویے آپ کے جزبے اور آپ کے خلوص نے توسب کےدل جیت لیئے

سابق بھارتی کرکٹر وی وی ایس لکشمن کہتے ہیں کہ محمد رضوان جرات،عزم اور قوت کی شاندار مثال ہیں۔انہوں نے کہا کہ پاکستان جیتا تو نہیں لیکن رضوان کا آئی سی یو سے آکر فائٹنگ اسپرٹ دکھانا متاثر کن ہے۔

 

 

سابق کرکٹر کا کہنا تھا کہ کھیل ایک استادہے جس سے ہر کسی کو سیکھنے کے لیے بہت کچھ ملتا ہے۔

یاد رہے کہ یمی فائنل کے بعد کپتان بابراعظم کے ہمراہ ورچوئل پریس کانفرنس میں ڈاکٹر نجیب نے بتایا کہ محمد رضوان کو 9 نومبر کو سینے میں شدید انفیکشن ہوا جس کے بعد انہیں اسپتال منتقل کرنا پڑا۔

ڈاکٹر نجیب کے مطابق محمد رضوان نے دو راتیں آئی سی یو میں گزاریں اور ان کی زبردست ریکوری ہوئی، پھر انہیں میچ سے پہلے فٹ قرار دیا گیا۔

ان کا کہنا تھا کہ ہم رضوان کا بہترین عزم دیکھ سکتے ہیں، انہوں نے ملک کے لیے شاندار کارکردگی کا مظاہرہ کیا، ہم دیکھ سکتے ہیں کہ انہوں نے کیسی پرفارمنس دی۔

ایک سوال کے جواب میں انہوں نے کہا کہ رضوان کی صحت سے متعلق نہ بتانے کا فیصلہ پوری ٹیم مینجمنٹ کا تھا اور یہ ٹیم کے مورال کے لیے کیا گیا۔

Facebook Notice for EU! You need to login to view and post FB Comments!