fbpx

بھارتی رکن اسمبلی کا واہگہ باڈر پر آکسیجن کوریڈور بنانے کا مطالبہ

امرتسر:بھارتی رکن اسمبلی کا واہگہ باڈر پر آکسیجن کوریڈور بنانے کا مطالبہ ،اطلاعات کے مطابق وزیراعظم عمران خان کی کورونا کی نئی ہلاکت خیز لہر میں بھارت کی ہر ممکن مدد کی پیشکش کا خیر مقدم کرتے ہوئے انڈین رکن پارلیمنٹ نے مودی سرکار سے واہگہ بارڈر پر آکسیجن کوریڈور بنانے کا مطالبہ کیا ہے۔

بھارتی میڈیا کے مطابق کانگریس کے رہنما اور امرتسر سے رکن اسمبلی گرجیت سنگھ اوجلا نے بھارتی وزیراعظم نریندر مودی نے لکھے گئے خط میں پاکستان اور بھارت کے درمیان آکسیجن کوریڈور کی تعمیر کا مطالبہ کیا ہے۔

اپنے خط میں رکن اسمبلی نے وزیراعظم عمران خان اور ایدھی فاؤنڈیشن کی جانب سے تعاون کی پیشکش کا خیر مقدم کرتے ہوئے لکھا کہ ریاست پنجاب میں آکسیجن کی قلت کو دیکھتے ہوئے کوریڈور کی تعمیر ناگزیر ہوگئی ہے اس لیے بھارتی وزیراعظم فی الفور پاکستان کی پیشکش سے فائدہ اُٹھانا چاہیئے۔

گرجیت سنگھ نے مزید لکھا کہ امرتسر سے سب سے نزدیک آکسیجن پلانٹ پانی پت میں ہے جو 350 کلومیٹر کی دوری پر ہے جب کہ لاہور صرف 50 کلومیٹر دور ہے اس لیے امرتسر کی 30 ٹن آکسیجن کی ضرورت کے لیے لاہور سے کھیپ زیادہ جلدی سے منگوائی جاسکتی ہے۔

جواب چھوڑیں

آپ کا ای میل ایڈریس شائع نہیں کیا جائے گا.