fbpx

بھارتی کھلاڑی برطانیہ میں کورونا پھیلانے لگےمگرریڈ لسٹ سے پھر بھی باہر

لندن :بھارتی کھلاڑی برطانیہ میں کورونا پھیلانے لگےمگرریڈ لسٹ سے پھر بھی باہر ،اطلاعات کے مطابق برطانیہ کے دورے پرگئی ہوئی بھارت کی کرکٹ ٹیم میں کورونا وائرس کے کیسز میں بہت زیادہ اضافہ ہوگیا اوراب تو یہ صورت حال ہے کہ برطانیہ مانچسٹر میں بھارتی کھلاڑی کورونا کے پھیلاو کا سبب بن رہے ہیں‌مگرحیرانی اس بات پر ہےکہ اس کے باوجود بھارت کا نام ریڈ لسیٹ سے باہرہے

دورہ انگلینڈ میں موجود بھارتی کرکٹ ٹیم کوکورونا کے حملوں کا سامنا ہے اور اب بھارتی ٹیم کے سپورٹ اسٹاف میں شامل ایک اور فرد وائرس کا شکار ہوگیا ہے۔

بھارتی میڈیا کے مطابق سپورٹ اسٹاف میں شامل ایک اور فرد کےکورونا میں مبتلا ہونے کے بعد 5 میچوں کی سیریز کے آخری ٹیسٹ میچ کا انعقاد خطرے میں لگ رہا ہے۔

واضح رہےکہ 5 ٹیسٹ میچوں کی سیریز میں مہمان ٹیم بھارت کو 1-2 کی برتری حاصل ہے۔ بھارتی ٹیم کا آج شیڈول پریکٹس سیشن بھی منسوخ کردیا گیا ہے اور کھلاڑی کمروں میں بند ہیں۔

خیال رہےکہ اس سے قبل بھارتی ہیڈ کوچ روی شاستری سمیت بولنگ کوچ، بھرت ارون اور فیلڈنگ کوچ سریدھار بھی کورونا کا شکار ہوچکے ہیں اور ٹیم کے فزیوتھراپسٹ نیتن پٹیل آئیسولیشن میں ہیں۔

ادھر سوشل میڈیا پربھی بھارتی کھلاڑیوں سے برطانیہ میں‌ پھیلنے والے کورونا کیسز کے حوالے سے سخت تنقید کی جارہی ہے ، یہ بھی کہا جارہا ہےکہ بھارت سے آنے والے مسافروں پرپابندی لگائی جائے کیوں کہ یہ دنیا بھرمیں بھارتی خطرناک ڈیلٹا ویرنٹ پھیلانے کا سبب بن رہےہیں‌