پاکستان میں سزا مکمل کرنے والے بھارتیوں کی رہائی کے حوالے سے درخواست

0
19

انڈین ہائی کمیشن نے قیدیوں کی رہائی کے لیے اسلام آباد ہائیکورٹ سے رجوع کر لیا۔ پاکستان میں سزا مکمل کرنے والے بھارتیوں کی رہائی کے حوالے سے سماعت اسلام آباد ہائیکورٹ کے جسٹس محسن اختر کیانی نے کی۔
سزا مکمل کرنے والے قیدیوں میں بجو ڈنگ ڈنگ، وگیان کمار، ستیش بھوگ، اور سونو سنگھ شامل ہیں۔ ان کے وکیل کے مطابق یہ قیدی پاکستان کے مختلف شہروں کی جیلوں میں قید ہیں۔ وکیل کا کہنا ہے کہ بھارتی قیدی سزا مکمل کرنے کے باوجود بھی پابند سلاسل ہیں۔ انہوں نے عدالت سے درخواست کی کہ عدالت سزا مکمل کرنے والے بھارتیوں کی فوری رہائی کا حکم دے۔ انہوں نے کہا کہ سزا مکمل کرنے والے قیدیوں کو زیر حراست رکھنا انسانی حقوق کی خلاف ورزی ہے۔ عدالت متعلقہ اداروں کو بھارتی شہریوں کی رہائی کا حکم دے۔ بھارتی ہائی کمیشن کی درخواست میں وفاق، سیکرٹری داخلہ اور سیکرٹری خارجہ کو فریق بنایا گیا ہے۔ جسٹس محسن اختر کیانی کا کہنا ہے کہ اس نوعیت کے دیگرکیسز چیف جسٹس اطہرمن اللہ کے پاس زیر سماعت ہیں۔ لہذا انہوں نے درخواست چیف جسٹس اطہرمن اللہ کے پاس ریفر کر دی۔

Leave a reply