21 بھارتی طلبا امریکا سے جعلی ویزوں کی وجہ سے ڈی پورٹ

امریکا نے 21 بھارتی طلباء کو جعلی ویزوں کی وجہ سے ڈی پورٹ کردیا۔

باغی ٹی وی : میڈیا رپورٹس کے مطابق آندھرا پردیش اور تلنگانہ سے تعلق رکھنے والے طلباء نے ویزا کی رسمی کارروائیاں مکمل کر لی تھیں لیکن انہیں اٹلانٹا، شکاگو اور سان فرانسسکو ہوائی اڈوں پر دستاویزات کی جانچ اور حراست کا سامنا کرنا پڑا۔

ڈی پورٹ کیے گئے افراد میں سے زیادہ کا تعلق بھارتی ریاست آندھرا پردیش اور تلنگانہ سے ہے جو جعلی ویزوں کی آڑ میں امریکا میں داخل ہونا چاہتے تھےامیگریشن حکام نے طلبہ سے طویل تفتیش کرکے موبائل فون اور واٹس ایپ ریکارڈ بھی جانچا جب کہ امریکا نے تمام 21 طلبہ پر 5 سال کے لئے امریکا میں داخلے پر پابندی بھی لگا دی۔

طلباء نے حکام سے دوران جانچ سوالات کئے، کیونکہ انہیں یقین تھا کہ انہوں نے اپنے ویزوں کے لیے تمام تقاضے پورے کر لیے ہیں اور وہ کالجوں میں شمولیت کے لیے تیار ہیں۔

سعودی تحائف فروخت کرنے پربرازیل کے سابق صدر کی گرفتاری کا امکان

طلبا نے کہا کہ انہیں اس بارے میں مناسب معلومات نہیں دی گئیں کہ انہیں واپس کیوں بھیجا گیا اور یہ فرض کیا گیا کہ اس کا ان کے ویزا دستاویزات سے کوئی تعلق ہے کچھ طلباء نے کہا کہ ان کے فون اور یہاں تک کہ واٹس ایپ چیٹس بھی چیک کیے گئے ہیں۔

کچھ طلباء نے کہا کہ انہیں سکون سے نکل جانے کو کہا گیا اور اگر انہوں نے اعتراض کیا تو سنگین قانونی کارروائی کا انتباہ دیا گیا۔ کچھ نے کہا کہ جن مشترکہ یونیورسٹیوں کی سربراہی میں کی گئی تھی ان میں مسوری اور ساؤتھ ڈکوٹا کی ریاستیں شامل ہیں۔

آئی سی سی نے ون ڈے رینکنگ جاری کردی