ورلڈ ہیڈر ایڈ

بھارتی وزیر خارجہ کو شاہ محمود قریشی کا جواب ،کہا بھارت "پھنس” گیا

وزیر خارجہ شاہ محمود قریشی نے بھارتی وزیر دفاع راج ناتھ سنگھ کی ہرزہ سرائی پر ردعمل دیتے ہوئے کہا ہے کہ بھارتی وزیر دفاع کا بیان اس بدترین صورتحال کاعکاس ہے جس میں بھارت اسوقت پھنساہوا ہے،یہ صورتحال بھارتی غیر قانونی ویکطرفہ فیصلوں کے باعث پیدا ہوئی،

باغی ٹی وی کی رپورٹ کے مطابق شاہ محمود قریشی نے کہا کہ بھارتی اقدام سے خطے اور خطے سے باہر کا امن واستحکام متاثر ہوا، جموں وکشمیرمیں تمام آبادی کا لاک ڈاؤن قابل مذمت ہے ،مقبوضہ وادی میں یہ لاک ڈاؤن دو ہفتے سے جاری ہے،مقبوضہ وادی میں لاک ڈاؤن سےانسانی المیہ مزید گہرا ہوتا جا رہاہے ،

شاہ محمود قریشی کا مزید کہنا تھا کہ عالمی انسانی حقوق کی تنظیموں اورمیڈیانےبھی اس صورتحال کورپورٹ کیاہے،عالمی برادری سمیت سلامتی کونسل نےبھی اس صورتحال کاادراک کیاہے ،

واضح رہے کہ بھارتی وزیر دفاع راجناتھ سنگھ نے پاکستان کو ایک اور گیڈر بھبھکی لگاتے ہوئے کہا ہے کہ اگر نئی دہلی اور اسلام آباد کے مابین مذاکرات ہوئے تو یہ صرف آزاد کشمیرپر ہوں گے ۔

راجناتھ سنگھ نے ہریانہ میں ایک ریلی کے دوران کہا ،”اگر پاکستان کے ساتھ بات چیت ہوتی ہے تو ، اب یہ آزاد کشمیر پر ہوگی

جواب چھوڑیں

آپ کا ای میل ایڈریس شائع نہیں کیا جائے گا.