انڈونیشیا اورفلپائن زلزلےکےجھٹکوں سےلرزاُٹھے

0
39

جکارتا: انڈونیشیا کے جزیرے سولاویسی میں 7.1 اور فلپائن میں 6 شدت کازلزلہ آیا جس سے شہری خوف زدہ ہو کر اپنے گھروں سےنکل کر کھلے میدان میں جمع ہوگئے۔عالمی خبر رساں ادارے کےمطابق انڈونیشیا اور فلپائن میں زلزلے کے جھٹکے محسوس ہوئے ہیں جس سے ساحلی علاقوں پر مقیم مکینوں میں خوف و ہراس پھیل گیا اور شہری گھروں سے نکل آئے۔زلزلے سے زمین لرز اٹھی، جبکہ سونامی وارننگ جاری کردی گئی۔

12 سالہ لڑکے کے ساتھ گھناؤنا کام، بنائی گئی ویڈیو،ایک ملزم گرفتار

خبر ایجنسی کے مطابق آنے والے زلزلے کی شدت 7.1 ریکارڈ کی گئی ہے، پیسیفک سونامی وارننگ سینٹر نے زلزلے کے بعد سونامی وارننگ جاری کی ہے جس میں کہا کہ زلزلے کے مرکز کے 300 کلومیٹر کے اندر واقع ساحلوں پر خطرناک سونامی کی لہریں آسکتی ہیں۔

 

انڈونیشیا کی جیو فزکس ایجنسی کا کہنا ہے کہ زلزلے کا مرکز میلونگوانے قصبے سے 141 کلومیٹر جنوب مشرق میں 64 کلومیٹر کی گہرائی میں تھا۔ جس کے بعد 10 آفٹر شاکس بھی آئے۔

بیرون ملک سے چھٹی پر آئے دو بچوں کے باپ کوکزن نے ذبح کر دیا

جبکہ جیو فزکس ایجنسی کی جانب سے جاری بیان میں کہا گیا کہ سونامی کا کوئی خطرہ نہیں اور امریکا میں قائم پیسیفک سونامی وارننگ سینٹر نے بھی سونامی کے خطرے کی پہلے کی وارننگ کو منسوخ کر دیا۔انڈونیشیا میں کئی مکانات کو نقصان پہنچا اور شہری گھروں سے باہر نکل کر کھلے میدان میں جمع ہوگئے۔ خوش قسمتی سے کوئی جانی نقصان نہیں ہوا۔

فلپائن کی زلزلہ پیما ایجنسی کے مطابق ملک کے جنوبی علاقوں میں زلزلے کے جھٹکے محسوس کیے گئے جن کی شدت انڈونیشیا کے مقابلے میں کم تھی۔ 6 شدت کے زلزلے کے جھٹکوں میں کوئی جانی نقصان نہیں ہوا۔

Leave a reply