ورلڈ ہیڈر ایڈ

انسانی حقوق کونسل، وزیر خارجہ نے پیش کیا کشمیر کا مقدمہ،کہا مظالم کی تحقیقات کیلیے خود مختار کمیشن بنایا جائے

پاکستان کے وزیر خارجہ شاہ محمود قریشی نے جنیوا میں انسانی حقوق کونسل سے خطاب کرتے کشمیر کا مقدمہ پیش کر دیا، وزیر خارجہ نے کہا کہ کشمیریوں پر بھارتی مظالم کے حوالہ سے تحقیقات کے لئے خود مختار اور آزاد کمیشن بنایا جائے

باغی ٹی وی کی رپورٹ کے مطابق جنیوا میں وزیر خارجہ شاہ محمود قریشی نے اجلاس سے خطاب کرتے ہوئے کہا کہ بھارت نے مقبوضہ کشمیر کو بڑی جیل میں تبدیل کر دیا ،بھارتی بربریت کے باعث وادی میں ضرورت کی اشیا اور ادویات کی قلت ہے ،بھارت نے مقبوضہ وادی میں مظالم کی انتہا کر دی ،بھارت نے کشمیری حریت قیادت کو نظر بند کر رکھا ہے ،وادی میں ضرورت کی اشیا اور ادویات کی قلت ہے،

بھارتی ریاستی دہشت گردی،پاکستان انسانی حقوق کونسل میں پیش کریگا کشمیر پرباتصویرڈوزیئر

وزیر خارجہ شاہ محمود قریشی کا مزید کہنا تھا کہ بھارت نے کشمیری حریت قیادت کو 6ہفتے سےنظر بند کر رکھا ہے ،بھارتی فورسز مقبوضہ کشمیر میں نوجوانوں پر بہیمانہ تشدد کر رہی ہے ،بی بی سی کی رپور ٹ میں ایک کشمیری نے کہا تشدد نہ کریں گولی مار دیں،بھارت مقبوضہ کشمیر سے دنیا کی توجہ ہٹانے کی کوشش کررہاہے،بھارت مقبوضہ کشمیر میں اکثریت کو اقلیت میں بدلنے کی کوشش کررہاہے،

یواین ہیومن رائٹس کمشنر کا کشمیر پر بیان حوصلہ افزا، وزیر خارجہ کی جنیوا میں میڈیا سے گفتگو

شاہ محمود قریشی کی سینیگال کے ہم منصب احمد وبا سے ملاقات ،کشمیر پرکی بات

شاہ محمود قریشی نے مزید کہا کہ مقبوضہ کشمیر کا معاملہ بھارت کا اندورنی نہیں ،برطانوی میڈیا نے بھی مقبوضہ وادی میں بھارتی مظام کو بے نقاب کیا،پاکستان نے بھارت کو کئی بار مذاکرات کی پیش کش کی ،بھارت نے مذاکرات کی تمام پیش کش کو مسترد کیا ،مقبوضہ وادی میں خاموشی طوفان سے پہلے کی سی ہے،مقبوضہ وادی میں مظالم روانڈا اور گجرات جیسے ہیں ،بھارت کی جانب سے ظلم و بربریت 21صدی میں کیا جارہاہے ،بھارت نے 6ہفتے سےوادی کو محصور کررکھاہے،

عالمی ادارہ صحت کشمیریوں کی زندگیاں بچانے کیلیےاقدامات کرے .وزیر خارجہ کی ڈائریکٹر جنرل سے ملاقات

وزیر خارجہ کا مزید کہنا تھا کہ متنازعہ علاقے کے شہریوں کو بھارت تشدد کانشانہ بنا رہا ہے ،بھارت کادعویٰ غلط ہےکہ کشمیراس کااندرونی معاملہ ہے،بھارت عالمی قوانین کی خلاف ورزی کررہا ہے،کشمیریوں کوبغیرکسی وجہ گرفتار کیا جا رہا ہے،بھارت کشمیریوں کی تحریک آزادی کو دہشت گردی کا رنگ دیتا ہے،80 لاکھ سے زائد کشمیریوں کو 6 ہفتوں سے قید کیاگیا ہے ،مقبوضہ کشمیرمیں چھ ہفتوں میں بھارت ظلم وبربریت کی شدت میں کئی گنااضافہ ہوچکاہے ،آخر کس مقصد کےلیے مقبوضہ  کشمیرمیں دس لاکھ فوجی موجود ہیں؟

 

بھارتی حکومت جموں کشمیرمیں لاک ڈاؤن،کرفیومیں نرمی لائے،انسانی حقوق کمشنراقوام متحدہ

شاہ محمود قریشی کا مزید کہنا تھا کہ بھارت نے بین الاقوامی قوانین کی خلاف ورزی کرتےہوئےکلسٹر اور ہیوی بموں کا استعمال کیا، انسانی حقوق کونسل کےاداروں اورانٹرنیشنل میڈیاکومقبوضہ کشمیرمیں رسائی دی جائے،بھارت مقبوضہ کشمیر میں انسانی حقوق، میڈیا نمایندوں کو جانے کی اجازت دے،بھارت سےکوئی پوچھنے والا نہیں،انسانی حقوق کونسل عالمی انسانی حقوق کی محافظ ہے،انسانی حقوق کونسل اقوام متحدہ کاتیسرا فعال ستون ہے،بھارت کےزیرقبضہ جموں کشمیر کےعوام کی استدعااورمقدمہ لےکرآیا ہوں.

 

سعودی،اماراتی وزراء خارجہ کی آرمی چیف سے ملاقات ،کشمیر پر پاکستان کی حمایت کی یقین دہانی

کشمیریوں پر بھارتی مظالم کیخلاف پاکستانی قوم سڑکوں پر،باغی ٹی وی کی خصوصی کوریج

مودی نے آخری پتہ کھیل لیا، اب کشمیر آزاد ہو گا، پاک فوج تیار،وزیراعظم عمران خان

وزیر خارجہ شاہ محمود قریشی کا مزید کہنا تھا کہ کشمیری دہائیوں سےبھارتی جبرو استبداد کا شکارہیں،بھارت کا اصل چہرہ بے نقاب ہوگیا ہے،بھارت جمہوریت،وفاقیت اور سیکیولرازم کا ڈھونگ رچاتا رہا ہے،6 ہفتوں سے بھارت نےمقبوضہ کشمیر کودنیا کے سب سے بڑے قید خانے میں تبدیل کردیا ہے،مقبوضہ وادی میں کشمیریوں کو بنیادی اشیائے ضروریہ اور ذرائع مواصلات تک رسائی نہیں ،مقبوضہ کشمیر میں اسپتالوں میں جان بچانےوالی ادویات کی قلت ہے،بھارتی قابض افواج کےتشدد سےزخمی افراد کو ہنگامی طبی امداد تک میسر نہیں ، کشمیریوں کےہر طبقے سے تعلق رکھنےوالی سیاسی قیادت چھ ہفتےسے نظربند اور قید ہے،

شاہ محمود قریشی کا مزید کہنا تھا کہ مقبوضہ کشمیرمیں کس قانون کے بنا پر6 ہزارسےزائدافراد کوگرفتارکیا گیا ہے ،سیاسی وسماجی کارکنوں، طالبعلموں اورپروفیشنلزکومقبوضہ کشمیرمیں گرفتارکیا گیا ہے،مقبوضہ کشمیرمیں نافذکالے قوانین کی آڑ میں کئی کشمیریوں کو بھارت کی جیلوں میں منتقل کیا گیا ہے، قابض بھارتی افواج انتہائی بے رحمی سے لوگوں کو برہنہ کرکےسرعام تشدد کا نشانہ بناتی ہے ،قابض بھارتی افواج سالہا سال سے بے گناہ کشمیریوں کیخلاف پیلٹ گنزاستعمال کررہی ہے ،پیلٹ گنزکےباعث بڑی تعداد میں بے گناہ کشمیری بصارت سےمحروم ہوچکےہیں،مقبوضہ وادی میں پیلٹ گنزسے زخمی افراد خوف سے اسپتال جانے سے ہچکچا رہے ہیں،زخمیوں کوڈرہے کہ قابض بھارتی افواج ان کیخلاف انتقامی کارروائی کریگی ،انہیں گرفتارکرکےتشدد کا نشانہ بنایاجائےگا،

وزیر خارجہ شاہ محمود قریشی کا کہنا تھا کہ مجھے انسانی حقوق کونسل کو کچھ یاد کرانے کی ضرورت نہیں،یہ اقدامات عالمی انسانی حقوق سےمتعلق قوانین کی خلاف ورزی ہے جس پر بھارت نے بھی دستخط کررکھے ہیں ،یہ اس ملک کاطرزعمل ہے جو اقوام متحدہ کی سلامتی کونسل کا مستقل رکن بننے کا آرزو مند ہے،سات دہائیوں سے چلا آنیوالا کشمیرکا تنازع انصاف کے ساتھ سنگین مذاق ہے ،مسئلہ کشمیرکو اقوام متحدہ کی سلامتی کونسل نے تنازع تسلیم کررکھا ہے،عالمی قانون کےتحت مقبوضہ جموں وکشمیر کی حیثیت تبدیل کرنیکا بھارتی یکطرفہ اقدامات غیر آئینی ہے.

جواب چھوڑیں

آپ کا ای میل ایڈریس شائع نہیں کیا جائے گا.