لاہور:پاکستان سمیت آدھی دنیا میں انسٹا گرام ڈاؤن:صارفین پریشان،ٹرینڈ بن گیا ،اطلاعات کے مطابق دنیا بھر میں انٹرنیٹ کی مقبول ترین فوٹو شیئرنگ ایپلیکیشن انسٹاگرام تقریباً دو سے زائد گھنٹوں سے دنیا بھر میں ڈاؤن ہے۔
دنیا بھر میں انٹرنیٹ سروسز پر نظر رکھنے والی ویب سائٹ ڈاؤن ڈیٹیکٹر کے مطابق انسٹاگرام کی بندش کے حوالے سے اب تک 6000 سے زائد صارفین شکایت کرچکے ہیں۔لیکن اس کے باوجود انسٹاگرام مینجمنٹ کو کوئی پرواہ تک نہیں اور نہ ہی کوئی طفل تسلّی ابھی تک دی ہے
اس حوالے سے انسٹاگرام کا کوئی مؤقف سامنے نہیں آیا ہے۔
ادھر اس حوالے سے معلوم ہوا ہے کہ ویب سائٹ کے مطابق انسٹاگرام کئی افریقی ممالک میں ڈاون ہونے کے ساتھ ساتھ برطانیہ اور دیگر یورپین ملکوں میں بھی بندش کا شکار ہے۔
انسٹا گرام کی سروس ڈآون ہونے پرصارفین کی شکایات صارفین کے دل کی آوازبن گئی ، یہی آوازاب ٹویٹرپرٹاپ ٹرینڈ ہے،پاکستان اور انڈیا میں بھی سینکڑوں افراد کی جانب سے انسٹاگرام ڈاؤن ہونے کی شکایت کی جا رہی ہے۔
فوٹو شئیرنگ ایپلیکیشن کی بندش پر ٹوئٹر پر بھی صارفین بات کرتے نظر آرہے ہیں اور میمز شئیر کررہے ہیں۔ کچھ لوگوں کا کہنا ہے کہ انسٹاگرام بند ہونے سے ٹوئٹر کی قدر میں اضافہ ہوا کیونکہ لوگ انسٹاگرام کی خبر لینے کے لیے ٹوئٹر چیک کررہے ہیں۔
Leave a reply
