اںتقامی کارروائیوں سے ڈرنے والے نہیں،چٹان کی طرح عمران خان کےساتھ ہیں،راجہ بشارت

پنجاب اسمبلی میں ہنگامہ آرائی کیس پرپی ٹی آئی کے اراکین پنجاب اسمبلی کی عبوری درخواست ضمانتوں پر سماعت ہوئی.عدالت نے سابق صوبائی وزیر قانون راجہ بشارت, چوہدری ظہیرالدین اور دیگر تحریک انصاف کے رہنماؤں کی عبوری ضمانتیں کنفرم کردیں.
ایڈشنل سیشن جج یاسین موہل نے عبوری ضمانتوں پر سماعت کی.

پی ٹی آئی کے اراکین پنجاب اسمبلی کی جانب سے موقف اختیار کیا گیا کہ غیر قانونی طور پر مقدمہ درج کیا گیا ہے،اسمبلی کے اندر ہونے والی توڑ پھوڑ میں ملوث نہیں ہیں، ایڈشنل سیشن جج یاسین موہل نے پی ٹی آئی کے اراکین پنجاب اسمبلی کی عبوری ضمانتوں پر سماعت کے دوران سابق صوبائی وزیر قانون راجہ بشارت, چوہدری ظہیرالدین اور دیگر تحریک انصاف کے رہنماؤں کی عبوری ضمانتیں کنفرم کردیں.

سابق صوبائی وزیر قانون راجہ بشارت نے کہا کہ پنجاب اسمبلی کے اجلاس میں ہونے والی ہنگامہ آرائی کے سلسلے میں قائم مقدمے میں عبوری ضمانت کی کنفرمیشن کے لیے سیشن کورٹ میں پیش ہوئے ،اس وقت ایف آئی آر میں کسی کو نامزد نہیں کیا گیا اب جس کو وہ چاہتے ہیں اس میں ملوث کر لیتے ہیں

راجہ بشارت نے مزید کہا یہ انتقامی کاروائیوں کا سلسلہ نہ ُرکنے والا ہے، ایم این ایز اور ایم پی ایز پر دہشت گردی کے مقدمات بنائے جارہے ہیں ،ان کو یہ لگاتا ہے کہ اس طرح کی کاروائیوں سے ہم اور ہمارے کارکنان ڈر جائیں گے، ہم چٹان کی طرح عمران خان کے ساتھ اور ُاس کے ویژن کے ساتھ کھڑے ہیں ، ضمنی انتحابات کے سلسلے میں بھی انتقامی کاروائیاں کی جاری ہیں

چیئرمین پی ٹی آئی عمران خان کا دورہ لاہور کا حتمی شیڈول

انہوں نے کہا کہ ضمنی الیکشن میں ہم نے ڈٹ کر حصہ لینا ہے اور انشااللہ ہم ہی کامیاب ہوں گے،میڈیا کا بھی شکریہ ادا کرتے ہیں کے تمام تر انتقامی کاروائیوں کو عوام تک پہنچا رہیں ہیں. رانا ثناء اللہ ہوش کے ناخن لیں اگر وہ بھی اِن سے گزریں ہیں تو اسی عمل کو دوہرا ہیں گے تو یہ سلسلہ ختم نہیں ہوگا.