انتخابات میں الیکشن کمیشن اور پولیس کے ذریعے دھاندلی کی گئی،خرم شیر زمان

پی ٹی آئی رہنما خرم شیر زمان کہتے ہیں تحریک انصاف نے این اے 249 کے نتائج مسترد کردیے ،انتخابات میں الیکشن کمیشن اور پولیس کے ذریعے دھاندلی کی گئی، پوری الیکشن مہم میں الیکشن کمیشن کا کردار جانبدار رہا، الیکشن کمیشن شفاف انتخابات کرانے میں مکمل ناکام رہا ہے، پیپلزپارٹی اور ن لیگ کہیں الیکشن مہم میں ظاہر ہی نہیں تھی، تمام سروے میں تحریک انصاف کامیابی حاصل کررہی تھی، الیکشن کے دن اچانک پیپلزپارٹی اور ن لیگ سامنے آگئے، پیپلزپارٹی کا حلقے میں ووٹ موجود نہیں اتنے ووٹ کہاں سے ملے، نوابشاہ سے آئے ڈی ایم او نے اپنا حق ادا کیا ہے، تحریک انصاف اپنا مزید لائحہ عمل کل پریس کانفرنس میں دے گی.