fbpx

ڈی جی خان پولیس کی کارروائی، 2 بین الصوبائی اسلحہ سمگلر، اسلحہ سمیت گرفتار

ڈیرہ غازی خان ڈی ایس پی سٹی ریحان رسول کی سربراہی میں تھانہ صدر کی بڑی کارروائی 2 اسلحہ سمگلر ، اسلحہ سمیت گرفتار۔
باغی ٹی وی ۔ رپورٹ کے مطابق ڈیرہ غازی خان میں ڈی ایس پی سٹی ریحان رسول کی سربراہی میں تھانہ صدر نے بڑی کارروائی کرتے ہوئے 2 اسلحہ سمگلر، اسلحہ سمیت گرفتار کرلئے ہیں،اسلحہ سمگلر خیبرپختون خواہ کے شہر لکی مروت سے پنجاب ڈی جی خان میں اسلحہ اسمگل کرنے آئے تھے


جن کی اس کوشش کو ڈیرہ غازیخان پولیس نے بروقت کارروائی کرکے ناکام بنا دیا ہے دو ملزمان محمد حیات اور واجد رحمن کو گرفتار کرکے ان کے قبضہ سے 40 پسٹل، 3 کلاشنکوف، 1 رپیٹر اور دس ہزار گولیاں برآمد کرلی گئیں ملزمان کار نمبری 86 MLB اٹھاسی کرولا میں اسلحہ کی اسمگلنگ کی کوشش کر رہے تھے جنہیں مخبر کی اطلاع پر تونسہ بائی پاس کے قریب گرفتار کر لیا گیا۔