انٹرنیشنل کالج برائے ٹورازم اینڈ ہوٹل مینجمنٹ کے وفد کی صدر علوی سے ملاقات

0
42

صدر مملکت ڈاکٹر عارف علوی سے انٹرنیشنل کالج برائے ٹورازم اینڈ ہوٹل مینجمنٹ کے وفد نے کالج کے سربراہ احمد شفیق کی قیادت میں ملاقات کی۔ ایوان صدار میں ہونے والی اس ملاقات میں صدر ڈاکٹر عارف علوی نے کہا کہ سیاحت کا شعبہ پاکستان کی معاشی ترقی میں اہم کردار ادا کرسکتا ہے۔انہوں نے کہا کہ پاکستان میں سیاحتی شعبے میں ترقی کی بے پناہ صلاحیت موجود ہے۔ سیاحت اور مہمان نوازی کے شعبے میں نوجوانوں کی تعلیم و تربیت سے ملازمت کے مواقع پیدا ہوں گے۔ صدر نے کہا کہ انہیں فخر ہے کہ انٹرنیشنل کالج برائے ٹورازم اینڈ ہوٹل مینجمنٹ نے پاکستان میں مہمان نوازی کے شعبے میں نمایاں خدمات انجام دی ہیں۔ انہوں نے سیاحت اور مہمان نوازی کے شعبے کی ترقی اور ترویج کیلئے نجی شعبے کو اپنا کردار ادا کرنے کی ضرورت پر زور دیا۔

Leave a reply