انٹر نیشنل ایوارڈ میں حرامانی کا نام بہترین اداکارہ کے لئے نامزد

0
42

حرا مانی کا شمار پاکستان کی کامیاب اداکاراؤں میں کیا جاتا ہے جنہیں اپنے ڈرامے ’دو بول‘ کی وجہ سے پاکستان بھر میں خوب شہرت ملی

اداکارہ گزشتہ سال اے آر وائے کے ڈرامے ’دو بول‘ میں اداکاری کے جوہر دکھائے تھے جس میں ان کے مقابل عفان وحید نے مرکزی کردار نبھایا

اس ڈرامے میں حرا مانی کی اداکاری کو بےحد سراہا گیا جبکہ یہ گزشتہ سال کا کامیاب ڈراما بھی ثابت ہوا اور اب حرا مانی کو اپنے اسی ڈرامے کے لیے پاکستان انٹرنیشنل اسکرین ایوارڈ پیسا میں بہترین اداکارہ کے ایوارڈ کے لیے نامزد کردیا گیا

جہاں اداکارہ کو ان کے ساتھی اور مداح اس نامزدگی کے لیے مبارکباد دے رہے ہیں وہیں حرا کے شوہر اداکار سلمان شیخ عرف مانی نے بھی ان کی تعریفوں کے پل باندھ دیے

انسٹاگرام پر مانی نے ایوارڈ سے لی گئی ایک تصویر شیئر کی جس پر انہوں نے لکھا کہ ’پاکستان میں شاید ہی کوئی ہو جس نے ایک میزبان کے طور پر شروعات کی کامیڈی کی، شوبر میں آنے سے پہلے شادی کی، دو بچوں کے بعد سنجیدہ اداکاری میں ٹاپ پوزیشن حاصل کی

مانی نے مزید لکھا کہ بہت کم وقت میں تم نے بہت کچھ حاصل کرلیا، تم ایک بہترین اداکارہ ہو اور سب سے اچھی بات یہ ہے کہ ایکشن سے پہلے اور کٹ کے بعد تم دل کی اچھی، عام سی گھریلو سی حرا ہو، ایسے ہی سر جھکا کر چلتی رہو

مانی کی اس پوسٹ پر حرا نے کمنٹ کرتے ہوئے شکریہ ادا کیا اور لکھا کہ وہ ان سے محبت کرتی ہیں

حرا مانی نے خود بھی ایوارڈ کی یہ تصویر شیئر کی جس پر انہوں نے مداحوں کا شکریہ ادا کیا اور لکھا کہ ایوارڈ ملے نہ ملے ان کے لیے یہ نامزدگی ہی بہت بڑی بات ہے میں بھی آپ سے سے دل سے اور دل سے بہت پیار کرتی ہوں

ادکارہ نے مزید لکھا کہ مجھے پسند کرنے کا میرے ڈرامہ دیکھنے کا بے حد شکریہ خوش رہیں آپ سب آمین

اداکارہ کا ڈراما ’دو بول‘ رومانوی کہانی پر مبنی تھا جس میں حرا مانی نے امیر گھر کی لڑکی جبکہ عفان نے ان کے گھر کے ملازم کا کردار نبھایا پیسا ایوارڈز کی تقریب رواں سال فروری میں دبئی میں منعقد ہوگی

ڈرامہ میرے پاس تم ہو کی آخری قسط تاخیر کا شکار


واضح رہے حرا پاکستان کی تاریخ کے بہترین ترین اور سب سے زیادہ پسند کئے جانے والے ڈرامے میرے پاس تم ہو میں بھی جلوہ گر ہیں جس میں وہ ہانیہ نامی ٹیچر کا کردار ادا کر رہی ہیں

Leave a reply