روس یو کرین تنازع: پوٹن کے خطاب کے بعد عالمی مارکیٹ میں خام تیل کی قیمت میں اضافہ

0
31

روسی صدر ولادییمیر پوٹن کی جانب سے یوکرین کے دوعلاقوں کو آزاد ریاست تسلیم کیے جانے کے اعلان کے بعدعالمی مارکیٹ میں خام تیل کی قیمت میں اضافہ ہو گیا ہے۔

باغی ٹی وی : عالمی خبررساں ادارے کے مطابق روسی صدر پوٹن کے اہم خطاب کے بعد برینٹ کروڈ کی قیمت ڈھائی فیصد سے زائد بڑھ گئی برینٹ کروڈ کی فی بیرل قیمت 96 ڈالر سے زائد ہوگئی۔

روسی صدر نے اپنی سیکیورٹی کونسل سے خطاب میں کہا تھا کہ مشرقی یوکرین قدیم روسی سرزمین ہے ماڈرن یوکرین روس نے تخلیق کیا ہے یوکرین روسی تاریخ کا ایک لازمی باب ہے سوویت ریاستوں کو یونین سے نکلنے دنیا بھی پاگل پن تھا یو ایس ایس آر کا خاتمہ کمیونسٹوں کے ضمیر پر بوجھ ہے۔

پوٹن نے سوویت یونین کے ٹوٹنے کو روس پر ڈاکا قرار دیتے ہوئے کہا ہے کہ یوکرین کے رہنما بغیر کسی ذمہ داری روس سے تمام اچھی چیزیں چاہتے تھے انہوں نے یوکرین پر ماضی میں روسی گیس چوری کرنے کا الزام بھی لگایا۔

روسی صدر کا کہنا ہے کہ یوکرین کے پاس کبھی بھی حقیقی ریاست کا درجہ نہیں تھا یوکرین مستحکم ریاست کا درجہ حاصل کرنے کے قابل نہیں تھا یوکرین کو ہمیشہ امریکا جیسے غیرملکی ممالک پر انحصار کرنا پڑا یوکرین ‘کٹھ پتلی حکومت’ کے ساتھ امریکی کالونی ہے یوکرین کے حکام قوم پرستی اور بدعنوانی میں مبتلا ہو چکے ہیں یوکرین اپنے جوہری ہتھیار بنانے کا ارادہ رکھتا ہے۔

روس نے یوکرینی شہریوں کی ایک لسٹ تیار کر رکھی ہے جنہیں قتل یا جیلوں میں بھیجا جائے گا ،امریکا

انہوں نے کہا ہے کہ امریکا اور نیٹو نے بے شرمی سے یوکرین کو جنگ کے تھیٹر میں بدل دیا یوکرین میں موجود امریکی ڈرون مسلسل روس کی جاسوسی کر رہے ہیں یوکرین حالیہ مہینوں میں مغربی ہتھیاروں سے بھر گیا یوکرین کو تباہی پھیلانے والے ہتھیار ملنے کو نظرانداز نہیں کر سکتے۔

واضح رہے کہ روسی صدر پوٹن نے یوکرین کے دو علاقوں کو آزاد ریاستوں کے طور پر تسلیم کرنے کے حکم نامے پر دستخط کردیئے ہیں انہوں ںے روس کی پارلیمنٹ سے کہا کہ وہ جلد از جلد اس کی توثیق کرے انہوں نے توقع ظاہر کی کہ روس کے عوام ان کے اقدام کی حمایت کریں گے۔

‏روس نے علیحدگی پسندوں کے قبضے میں موجود علاقوں کو تسلیم کرلیا،ڈوناسٹک میں جشن کا سماں

Leave a reply