سعودی عرب سے ایک معروف قاتل کو انٹر پول کےذریعے گرفتار کرکے پاکستان بھیج دیاگیا ، یہ مشہورزمانہ قاتل کون ہے ،

ملتان :قاتل بچ کے دکھائیں ، پنجاب پولیس نے قندیل بلوچ قتل کیس کے مفرور ملزم مقتولہ کے بھائی عارف کو سعودی عرب سے انٹرپول کے ذریعے گرفتار کرکے ملتان پہنچا دیا گیا، ملزم سے متعلق الگ چالان عدالت میں پیش کیا جائے گا۔

ملتان پولیس کا کہنا ہے کہ عدالت نے سعودی عرب میں مقیم ملزم عارف کو اشتہاری قرار دیا تھا، قندیل بلوچ قتل کیس میں ملزم عارف کے جرم کا فیصلہ ہونا باقی ہے۔یہ بھی معلوم ہوا ہےکہ انٹر پول نے ملزم عارف کو پاکستان منگوانے کے لیے چند دن پہلے ہی رابطہ کیا تھا جس پر فوری عمل کیا گیا

ملتان پولیس کا کہنا ہےکہ ملزم عارف کے حوالے سے علیحدہ چالان عدالت میں پیش کرے گی، یاد رہے کہ ماڈل قندیل بلوچ کو پندرہ جولائی دو ہزار سولہ کو قتل کیا گیا تھا۔جس کے قتل کا کیس کا فیصلہ سنا دیا گیا ہے جس میں ایک ملزم کو بری جبکہ دوسرے کو عمر قید کی سزا سنائی گئی تھی