انتشارکی سیاسیت کرنے والوں کی کوئی جگہ نہیں، چوہدری سرور

چوہدری محمد سرورنے آزاد کشمیرکے الیکشن پربات کرتے ہوئے کہا کہ اپوزیشن مانے یا نہ مانے وہ آزاد کشمیرمیں ہارچکی اور ہم جیت چکے ہیں، کشمیری عوام کی تحر یک انصاف سے محبتوں پرانکا شکریہ اداکر تے ہیں، تحریک انصاف کی آزاد کشمیرمیں کامیابی مودی کیلئے ڈراونا خواب ہے، کشمیری عوام نے کشمیر کے سفیر وزیراعظم عمران خان کے حق میں فیصلہ دیا ہے، انتشاراورفساد پرمبنی سیاست کرنیوالوں کا کوئی مستقبل نہیں، کوئی شک نہیں پاکستانی عوام آج حکومت کے بیانہ کیساتھ کھڑے ہیں،

گورنر پنجاب نے مزید کہا کہ بھارتی مظالم کے شکار کشمیریوں کی آزادی کا ہم پوری دنیا میں مقدمہ لڑ رہے ہیں، آزاد کشمیرمیں تحریک انصاف کی کامیابی تاریخ کشمیرکا شاندارسنگ میل ہے، سیاسی مخالفین کو چاہیے وہ انتخابی اصلاحات کیلئے حکومت کے ساتھ مل بیٹھے، تحریک انصاف آج پاکستان کی سب سے بڑی سیاسی اورعوامی طاقت بن چکی ہے.