اقرا عزیز کی دو سال کے بعد ٹی وی پر واپسی

0
30

چھوٹی سکرین کی چلبلی اور باصلاحیت اداکارہ اقرا عزیز کو بہت پسند کیا جاتا ہے ان کے ڈراموں‌ کو شائقین شوق سے دیکھتے ہیں. اقرا شادی کے بعد کسی بھی ڈرامے میں نظر نہیں آئیں لیکن انہوں نے یہ ضرور کہا تھا کہ وہ شوبز نہیں چھوڑیں گی، بیٹی کی پیدائش کے بعد اداکارہ نے دوبارہ ٹی وی کا رخ کر لیا ہے. جی ہاں اقرا عزیز کے پرستاروں‌کے لئے نہایت ہی خوشی کی خبر ہےکہ ان کی پسندیدہ اداکارہ کو وہ ایک بار پھر دیکھ سکیں گے. اقرا اس بار اپنے شوہر یاسر حسین کے ساتھ کام کررہی ہیں دونوں نے ایکساتھ کام کرنے کا اعلان اپنی انسٹاگرام پوسٹ

کے زریعے کیا. ڈرامہ سیریل ” ایک تھی لیلی ” کی آج کل ریکارڈنگ کی جا رہی ہے ڈرامے کے ڈائریکٹر اقرا کے شوہر یاسر حیسن ہیں. کہا جا رہا ہے کہ ایک تھی لیلیٰ مرڈر مسٹری ڈراما ہے. اقرا پہلی بار اپنے شوہر کی ہدایتکاری میں‌ کام کررہی ہیں. اقرا عزیز مسلسل دو سال سے سکرین سے غائب ہیں ان کا ڈرامہ سیریل رانجھا رانجھا کردی اور جھوٹی میں کردار شائقین کو بے حد پسند آئے. اقرا بلاشبہ ایک بہترین اداکارہ ہیں انہوں‌نے کم عرصے میں اپنی پہچان بنائی اور خود کو کام کے زریعے صف اول کی اداکارائوں‌میں لا کھڑا کیا. شائقین اقرا کی ٹی وی پر واپسی کے منتظر ہیں. یاد رہے کہ اقرا اور یاسر پہلے بھی ایک ساتھ ڈرامہ سیریل جھوٹی میں‌ کام کر چکے ہیں.

Leave a reply