اقرا عزیز اور یاسر حسین کے ہاں ننھے مہمان کی آمد متوقع

پاکستان کے معروف و مقبول ڈرامے خدا اور محبت 3 کی اداکارہ اقراء عزیز کے شوہر اور میزبان و اداکار یاسر حسین نے مداحوں کو اہلیہ کے امید سے ہونے کی اطلاع دی ہے۔

باغی ٹی وی : سوشل میڈیا ویب سائٹ انسٹاگرام پر یاسر حسین کی جانب سے اہلیہ کے ہمراہ اپنی تصویر شیئر کرتے ہوئے مداحوں کو والدین بننے کی اطلاع دی گئی۔

یاسر حسین نے اپنی پوسٹ میں لکھا کہ اللہ ہم پر ہمیشہ سے ہی مہربان رہا ہے اور اس بار توکرم نوازی بے مثال ہے۔

یاسر حیسن نے لکھا کہ اولاد اللہ کا خوبصورت تحفہ ہے، ہم بہت خوش ہیں اور امید کرتے ہیں کہ آپ بھی ہمیں اپنی دعاؤں میں یاد رکھیں گے۔

یاسر حسین کی اس پوسٹ پر مداحوں اور سوشل میڈیا صارفین کی جانب سے مبارکباد اور نیک خواہشات کے پیغامات کا سلسلہ جا ری ہے مداح آنے والے ننھے مہمان کے لئے کمنٹس سیکشن میں دعائیہ پیغامات جا ری کر رہے ہیں-

اداکارہ منال خان نے بھی جوڑی کو اس خوشی کی خبر پر مبارکباد دی-

خیال رہے کہ مقبول اداکار جوڑی اقراء اور یاسر 2019 کے آخری ایام میں رشتہ ازدواج میں منسلک ہوئے تھے –