ایران اور امریکہ آمنے سامنے:کشیدگی بھی بڑھ گئی، ایران نے امریکہ کو ورلڈ کپ سے نکالنے کا مطالبہ کر دیا

0
26

دوحہ:قطر میں جاری فیفا 2022 ورلڈ کپ کے ایک اہم میچ میں آج رات ایران اور امریکہ کی ٹیموں کے مابین مقابلہ ہو گا۔ایران کے وقت کے مطابق یہ میچ رات 30: 10 بجے شروع ہوگا۔

ایران نے اپنے دوسرے میچ میں ویلز کو دو صفر سے شکست دی تھی اور ایرانی کھلاڑیوں کے حوصلے بہت بلند ہیں ۔ ایران نے دونوں گول میچ کے آخری 3 منٹ میں کئے۔

ایران کے عوام نے قطر میں جاری فیفا 2022 ورلڈ کپ میں ویلز کے خلاف ایرانی قومی ٹیم کی شاندار کامیابی پر سڑکوں پر نکل کر جشن منایا، ایران کے حق میں نعرے لگائے اور گاڑیوں اور موٹر سائیکلوں کے ہارن بجائے۔ پر جوش عوام کے ہاتھوں میں ایران کے پرچم تھے اور وہ خوشی سے انھیں لہرا رہے تھے۔

دوسری طرف ایرانی فٹ بال ایسوسی ایشن نے اتوار کے روز احتجاج کیا کہ اس کے امریکی ہم منصب نے دو روایتی حریفوں کے درمیان اگلے میچ سے قبل سوشل میڈیا پر ایران کے پرچم کو تبدیل کر دیا ہے، اس بنا پر ایسوسی ایشن نے امریکہ کو ورلڈ کپ سے نکالنے کا مطالبہ کردیا۔

دونوں ملکوں میں سیاسی حدت کے اضافے کے دوران ایرانی قومی ٹیم منگل 29 نومبر کو گروپ ٹو میں اپنے آخری میچ میں امریکی فٹ بال ٹیم کے مقابل ہوگی۔ قطر میں ہونے والے فیفا ورلڈ کپ کے اگلے مرحلہ میں جانے کیلئے ایرانی ٹیم کی امریکہ پر فتح اہم کردار ادا کرے گی۔

یاد رہے ایران میں اڑھائی ماہ سے حکومت کے خلاف عوامی مظاہرے جاری ہیں۔

ایران کی سرکاری نیوز ایجنسی آئی آر این اے نے کہا کہ یو ایس سوکر فیڈریشن کے انسٹاگرام پیج نے ایرانی پرچم سے خدا کی علامت کو ہٹا دیا ہے جو ایک غیر پیشہ ورانہ عمل ہے۔ ایرانی فٹ بال ایسوسی ایشن نے فیفا کو ایک ای میل بھیجی جس میں مطالبہ کیا گیا کہ امریکی فٹ بال ایسوسی ایشن کو اس عمل پر سنگین وارننگ جاری کی جائے۔

ایران کا جھنڈا سرخ، سفید اور سبز رنگ پر مشتمل ہے جس کے درمیان میں سٹائلائزڈ رسم الخط میں لفظ "اللہ” لکھا گیا ہے۔ امریکی فیڈریشن کے انسٹاگرام اور ٹویٹر پیجز پر دو پوسٹس میں پرچم سے یہ لفظ ہٹا دیا گیا ہے۔

امریکن فیڈریشن کے ایک میڈیا عہدیدار نے کہا کہ ایران میں خواتین کے ساتھ اظہار یکجہتی کے لیے یہ ایک تصویر تھی۔ انہوں نے مزید کہا کہ فیڈریشن کی ویب سائٹ پر پرچم کو تبدیل نہیں کیا گیا ہے۔فیڈریشن کے ترجمان نے بعد میں نامہ نگاروں کو بتایا کہ اس پوسٹ کو ہٹا دیا گیا ہے اور اس کی جگہ صحیح جھنڈا دکھایا گیا ہے، تاہم انہوں نے مزید کہا کہ ہم اب بھی ایران کی خواتین کی حمایت کرتے ہیں۔

ایران کی خبر رساں ایجنسی تسنیم نے ٹویٹر پر کہا کہ امریکی ٹیم نے "فیفا کے چارٹر کی خلاف ورزی کی ہے جس کی سزا مناسب جرمانہ اور 10 میچوں کی پابندی ہے”۔ انہوں نے مزید کہا کہ امریکی ٹیم کو ورلڈ کپ سے نکال دینا چاہیے۔

یاد رہے تہران میں امریکی سفارت خانے میں درجنوں امریکی طلبہ کو یرغمال بنائے جانے کے چند ماہ بعد امریکہ اور ایران نے 1980 میں سفارتی تعلقات منقطع کر لیے تھے۔

افواج پاکستان نے بذریعہ عسکری سفارتکاری عالمی سیاست میں توازن قائم کیا،آرمی چیف

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

صدر مملکت ڈاکٹر عارف علوی نے آرمی چیف کی تعیناتی پر دستخط کر دئیے

Leave a reply