ایرانی وزیر خارجہ کی آرمی چیف سے ملاقات،کن امور پر ہوئی بات؟ ڈی جی آئی ایس پی آر نے بتا دیا

ایرانی وزیر خارجہ کی آرمی چیف سے ملاقات،کن امور پر ہوئی بات؟ ڈی جی آئی ایس پی آر نے بتا دیا

باغی ٹی وی کی رپورٹ کے مطابق ایران کے وزیر خارجہ جواد ظریف کی آرمی چیف سے ملاقات ہوئی ہے

ایرانی سفیر نے سماجی رابطے کی ویب سائٹ ٹویٹر پر ٹویٹ کی جس میں انہوں نے کہا کہ ‏اسلامی جمھوریہ ایران کے وزیر خارجہ نے آج صبح پاک فوج کے سربراہ جنرل قمر جاوید باجوہ سے ملاقات کی۔ ملاقات میں دوستانہ تعلقات، سرحدی اور دفاعی امور، امن اور علاقائی سلامتی کے امور پر تبادلہ خیالات کیا گیا .

پاک فوج کے تعلقات عامہ کے شعبے آئی ایس پی آر کے مطابق ایران کے وزیر خارجہ جواد ظریف نے جی ایچ کیو کا دورہ کیا اور آرمی چیف جنرل قمر جاوید باجوہ سے ملاقات کی ، ملاقات میں افغان امن عمل، پاک ایران سرحدی انتظام اورسرحدی منڈیوں کے قیام پر بھی گفتگوہوئی۔

اس موقع پر آرمی چیف جنرل قمر جاوید باجوہ نے کہاکہ پاک ایران وسیع تر تعاون کے علاقائی امن و استحکام پر مثبت اثرات مرتب ہونگے ،آئی ایس پی آر کے مطابق ایرانی وزیر خارجہ نے علاقائی استحکام اورافغان امن کیلئے پاکستانی مثبت کردار کو سراہا،جواد ظریف نے کہاکہ ایران،پاکستان افغانستان کے ساتھ بہترین تعلقات کیلئے سرگرم عمل ہے۔

ایرانی وزیر خارجہ گزشتہ شب اسلام آباد پہنچے تھے،ترجمان دفتر خارجہ کے مطابق ایرانی وزیر خارجہ دورہ پاکستان کے دوران صدر مملکت عارف علوی اور وزیر اعظم عمران خان سے ملاقاتیں کریں گے۔

جواد ظریف اپنے پاکستانی ہم منصب شاہ محمود قریشی سے وفود کی سطح پر مذاکرات کریں گے ،ایرانی میڈیا کے مطابق جواد ظریف دورہ اسلام آباد کے موقع پر پاکستانی حکام سے اپنی ملاقاتوں میں باہمی تعلقات، دونوں ملکوں کے درمیان طے پانے والے معاہدوں کے نفاذ سمیت بین الاقوامی اور علاقائی مسائل پر مذاکرات کریں گے۔

قاسم سلیمانی کو ٹرمپ کی ہدایت پر مارا گیا، پینٹا گون، ٹرمپ نے کیا کہا؟

ایرانی جنرل کو مارنے کے بعد امریکہ نے دی شہریوں کو اہم ہدایات

جنرل قاسم سلیمانی کی شہادت، امریکہ نے خطے کا امن داؤ پر لگا دیا، ایسا کس نے کہا؟

ایرانی جنرل پر امریکی حملہ، چین بھی میدان میں آ گیا، بڑا مطالبہ کر دیا

تیسری عالمی جنگ، امریکا کے خطرناک ترین عزائم، سابق امریکی وزیر خارجہ کے انٹرویو نے تہلکہ مچا دیا

ترجمان ایرانی وزارت خارجہ خطیب زادہ کا کہنا تھا کہ ظریف اس دورے پر اپنے پاکستانی ہم منصب کے علاوہ وزیر اعظم کے ساتھ ملاقاتیں کریں گے۔ ایرانی وزیر خارجہ کا دورہ پاکستان سیاسی ، اقتصادی اور سلامتی کے لحاظ سے بہت ہی اہم ہے، ایران اور پاکستان کے درمیان بہترین تعلقات ہیں اور بہت ہی اہم امور دونوں ممالک کے ایجنڈے میں شامل ہیں

جواب چھوڑیں

آپ کا ای میل ایڈریس شائع نہیں کیا جائے گا.