برطانیہ سے ملزموں کی حوالگی کے معاہدہ کیا ہے؟تفصیلات سامنے آگئیں

اسلام آباد:سابق وزیر اعطم نواز شریف کے وزیرخزانہ اسحاق ڈار کی گرفتاری سے متعلق حکومت پاکستان کے برطانیہ سے طئے پانے والے معاہدے کی تفصیلات سامنے آگئیں ہیں. وزیر اعظم کے معاون خصوصی برائے احتساب نے اس معاہدے کی تفصیلات بتاتے ہوئے کہا ہے کہ یہ معاہدہ فی الحال اسحاق ڈار کی پاکستان کو حوالگی سے متعلق ہے.

برطانوی حکومت کے نمائندے گرائم بگر نے کہا ہے کہ اسحاق ڈار کوان کے خلاف پاکستان میں کیسز کی پیروی کے لیے پاکستان کے حوالے کیا جائے گا. جس کے لیے پاکستان نے حکومت برطانیہ سے درخواست کی تھی. وزیر اعطم کے معاون خصوصی برائے احتساب شہزاد اکبر نے کہا ہے کہ اسحاق ڈار کی برطانیہ سے پاکستان حوالگی کے تمام اخراجات حکومت پاکستان خود برداشت کرے گی.اس معاہدے میں یہ بھی لکھا ہے کہ حوالگی کے بعد کوئی ملک برطانیہ سے کسی قسم کا مالی مطالبہ نہیں کرسکتا .اس ایم او یو پر برطانوی گرائم بگر نے دستخط کیے ہیں.