اس سے کوئی فرق نہیں پڑتا کہ ہم کیا کہتے لیکن فٹ بال پر توجہ دینی چاہئے. زیدان

اس سے کوئی فرق نہیں پڑتا ہے کہ ہم کیا کہتے ہیں. زیدان

فٹ بال لیجنڈ زین الدین زیدان نے کہا ہے کہ قطر سے متعلق تمام تر تحفظات کے باوجود اب وقت آگیا ہے کہ تنازعات کو بھول جائیں اور فٹ بال ورلڈ کپ پر توجہ دیں۔ فٹ بال کی عالمی جنگ رواں برس 20 نومبر سے خلیجی ملک قطر میں شروع ہورہی ہے۔ 2022 کے فٹبال ورلد کپ کی میزبانی کے لئے فرانس اور قطر آمنے سامنے تھے، فیفا نے فرانس کے بجائے قطر کو میزبانی دی، اس فیصلے کو ایک دہائی سے زائد عرصہ گزر گیا لیکن اس کے باوجود اب تک قطر پر تنقید کا سلسلہ تھم نہیں سکا۔

یورپی دنیا میں بنیادی حقوق تصور کئے جانے والے بعض معاملات پر قطر میں موجود قوانین اور وہاں غیر ملکی کارکنوں کے ساتھ مبینہ غیر انسانی سلوک پر قطر میں ورلڈ کپ کے بائیکاٹ کے اعلان سامنے آرہے ہیں۔ ان تمام تنازعات پر فرانس کے لیجنڈ فٹبالر زین الدین زیدان (Zinedine Zidane) نے اظہار خیال کیا ہے۔ اپنے انٹرویو میں زین الدین زیدان (Zinedine Zidane) نے کہا کہ مجھے امید ہے کہ فرانس کا ٹورنامنٹ بہت اچھا ہوگا لیکن مجھے ابھی تک نہیں معلوم کہ میں قطر جاؤں گا یا نہیں۔
مزید یہ بھی پڑھیں؛ بدھ سے کراچی کو حب کینال سےدو دن پانی کی فراہمی معطل رہے گی
امریکا کا صحافی ارشد شریف کی موت پر اظہار افسوس،شفاف تحقیقات کا مطالبہ
شادی سے انکار پر لڑکے نے 22 سالہ کزن کو زندہ جلا دیا،پسند کی شادی نہ ہونے پرلڑکے نے کزن کو قتل کر کے خودکشی کرلی
زیدان نے کہا کہ تمام تر تنازعات کے باوجود پر فٹبال کے شائقین کی توجہ اب صرف اور صرف کھیل پر ہونی چاہیے۔ اس سے فرق نہیں پڑتا کہ ہم کیا کہتے ہیں، سچ یا صحیح بات کہنا کبھی بھجی کافی نہیں ہوتا۔