fbpx

کیا امریکا پھرافغانستان میں واپس آرہاہے:خبروں نے خبردارکردیا

واشگٹن :کیا امریکا پھرافغانستان میں واپس آرہاہے:امریکی سینیٹرنے بتادیا ،اطلاعات کے مطابق امریکا کی افغانستان رسوائی کے ساتھ شکست اورپھر گھرکوواپسی کوغلطی قراردیا جارہا ہے ، اس حوالے سے امریکی سینیٹر لنزے گراہم نے کہا ہے کہ امریکا کو واپس افغانستان میں جانا پڑے گا

امریکا کے ری پبلکن سینیٹر لنزے گراہم نے دعویٰ کیا ہے کہ امریکا افغانستان میں واپس جائے گا۔غیر ملکی خبر رساں ادارے کے مطابق ری پبلکن پارٹی سے تعلق رکھنے والے امریکی سینیٹر لنزے کا کہنا ہے کہ امریکا کو واپس افغانستان میں جانا پڑے گا۔

اپنے ایک بیان میں لنزے گراہم کا کہنا تھا کہ طالبان افغانستان کو مکمل طور پر کنٹرول نہیں کرپائیں گے، وہاں کے حالات سے مجبور ہو کر امریکا کو دوبارہ افغانستان میں فوجی بھیجنا ہی پڑیں گے۔

خیال رہے کہ اس سے قبل یورپی یونین کی جانب سے بھی طالبان کی حکومت کو تسلیم نہ کرنے کہا جاچکا ہے، اس حوالے سے گفتگو کرتے ہوئے یورپی یونین کی خارجہ امور کے سربراہ جوزف بوریل کا کہنا تھا کہ طالبان سے رابطہ کریں گے تاہم افغانستان میں ان کی حکومت تسلیم نہیں کریں گے۔

واضح رہے کہ امریکا نے طالبان سے معاہدے کے تحت 20 سال بعد افغانستان سے انخلا کیا ہے جبکہ طالبان افغانستان میں نئی حکومت کے قیام کے لیے مشاورت کررہے ہیں جس کا اعلان کسی بھی وقت کیا جاسکتا ہے۔