fbpx

اسلام آباد سے ابوظبی جانے والے مسافر سے منشیات برآمد

انٹی نارکوٹکس فورس نے اسلام آباد انٹرنیشنل ایئرپورٹ پر کارروائی کرتے ہوئے ملزم کے پیٹ سے 124 منشیات سے بھرے کیپسول برآمد کرلیے۔

انسداد منشیات فورس ( اے این ایف ) کی جانب سے اسلام آباد انٹرنیشنل ایئرپورٹ پر منشیات فروشوں کے خلاف کارروائی کی ہے۔ کارروائی کے دوران اے این ایف نے ملزم کے پیٹ سے 124 عدد منشیات بھرے کیپسول برآمد کیے ہیں جس میں سے 114 کیپسولز چرس سے بھرے ہوئے تھے جب کہ 10 کیپسولز میں آئس بھری ہوئی تھی۔

ملزم کے پیٹ سے برآمد ہونے والے کیپسول سے برآمد ہونے والی چرس کا مجموعی وزن 734 گرام جب کہ آئس 69 گرام ہے۔ اینٹی نارکوٹکس فورس کے مطابق ملزم خیبر ایجنسی کا رہائشی ہے جو وفاقی دارالحکومت سے اماراتی دارالحکومت ابوظبی جارہا تھا۔ انسداد منشیات فورس نے ملزم کے خلاف انسداد منشیات ایکٹ کے تحت مقدمہ درج کرکے مزید تحقیقات کا آغاز کردیا۔

خیال رہے کہگزشتہ دنوں کار کے خُفیہ خانوں میں مہارت سے چھپائی گئی منشیات بھی برآمد ی کی گئی تھی. تفصیلات کے مطابق: ترجمان اینٹی نارکوٹکس فورس(اے این ایف) کے مطابق اسلام آباد موٹر وے ٹول پلازہ نے خفیہ اطلاع پر دو گاڑیوں کو روکا جن سے بھاری مقدار میں منشیات برآمد ہوئی ہے ، منشیات کار کے خُفیہ خانوں میں مہارت سے چھپائی گئی تھی ۔ ترجمان کے مطابق گاڑیوں سے 45 کلو 60 گرام چرس 4 کلو ہیروئین اور 3 کلو 600 گرام افیون برآمد کی گئی ہے۔
ترجمان اے این ایف کے مطابق کارروائی کے دوران 3 مُلزمان کو موقع پرگرفتارکر لیا گیاہے ۔ ملزمان کیخلاف انسدادِ منشیات ایکٹ کے تحت مقدمہ درج مزید تحقیقات شروع کردی گئیں ہیں.

تاہم سے قبل بھی اے ایس ایف ترجمان کا کہنا تھا کہ مسافر شبیر احمد نے ہیروئن بیگ کی تہہ میں مہارت سے چھپا رکھی تھی تاہم اے ایس ایف کے عملے نے سامان کی تلاشی کےدوران منشیات کی نشاندہی کی اورتلاشی کےدوران بیگ کی تہہ سے1.881 کلو گرام ہیروئن برآمد کرکےملزم کو گرفتار کر لیا گیا تھا.