fbpx

سٹہ مافیا کی پشت پناہی کون کرتا ہے؟ اسحاق ڈاربڑا کھلاڑی ہے:چینی سٹے باز کے تہلکہ خیز انکشافات

لاہور : سٹہ مافیا کی پشت پناہی کون کرتا ہے؟ اسحاق ڈاربڑا کھلاڑی ہے:چینی سٹے باز کے تہلکہ خیز انکشافات ،اطلاعات کے مطابق چینی سٹے باز خرم عرف دوائی نے اربوں روپے کے سٹے میں ملوث رہنے کا انکشاف کرتے ہوئے کہا شوگرملوں میں سٹہ مافیا کی پشت پناہی چنار شوگر مل کرتی ہے۔

تفصیلات کے مطابق ایف آئی اے کی تحقیقاتی ٹیم کے سامنے شوگر سٹہ باز خرم عرف دوائی نے ہوشربا انکشافات کرتے ہوئے بتایا کہ نے چند سالوں میں اربوں کے سٹے میں ملوث رہا ہوں اور تمام سٹے بازوں کے نیٹ ورک کو بخوبی جانتا ہوں۔

خرم عرف دوائی نے انکشاف کیا کہ سٹہ بازایک کلو چینی بھی اصل ڈیلرتک نہیں پہنچنے دیتے، سٹے کی کمائی چھپانے کےلیےشوگرملز نے بھی خفیہ اکاؤنٹس کھولے۔

خرم نے بتایا کہ سٹہ مافیا کی پشت پناہی چنارشوگرمل کرتی ہے، چنارشوگرمل کے مالک جاوید کیانی ہیں، جواسحاق ڈار کےدست راست ہیں حدیبیہ منی لانڈرنگ کیس کے مرکزی ملزم بھی رہےہیں۔

چنارشوگر مل اور مریم نوازکی چوہدری شوگر مل کے قریبی روابط ہیں، دونوں شوگر ملز اے سیون نیو مسلم ٹاؤن سے آپریٹ کرتی رہی ہیں جبکہ جہانگیر ترین کی ملز کے بھی سٹہ بازوں سے قریبی روابط ہیں۔

اس سے قبل وفاقی تحقیقاتی ادارے (ایف آئی اے ) نے چالیس بڑے چینی ڈیلرز کے اکاؤنٹس سمیت 424 اکاؤنٹس منجمد کردیئے ، منجمد کئے گئے بینک اکاؤنٹس میں جعلی اور بے نامی اکاؤنٹس شامل ہیں۔

جواب چھوڑیں

آپ کا ای میل ایڈریس شائع نہیں کیا جائے گا.